ಮಿಸೆಸ್‌ ಇಂಡಿಯಾ ಪ್ರಶಸ್ತಿ ಗೆದ್ದ ಉಡುಪಿಯ ತೃಪ್ತಿ ಅರವಿಂದ್‌

ಮಂಗಳೂರು: ಮೂಲತಃ ಉಡುಪಿಯ ಕಲ್ಯಾಣಪುರದವರಾದ ತೃಪ್ತಿ ಅರವಿಂದ್‌ ಅವರು ಮಂಗಳವಾರ ಚೆನ್ನೈಯಲ್ಲಿ ಜರಗಿದ ವಿವಾಹಿತೆಯರ ಸೌಂದರ್ಯ ಸ್ಪರ್ಧೆಯಲ್ಲಿ “ಮಿಸೆಸ್‌ ಇಂಡಿಯಾ- 2017′ ಪ್ರಶಸ್ತಿ ಜಯಿಸಿದ್ದಾರೆ. ಮಿಸೆಸ್‌ ಇಂಟರ್‌ನ್ಯಾಶನಲ್‌ ಸ್ಪರ್ಧೆ ಯಲ್ಲಿ ಭಾರತವನ್ನು ಪ್ರತಿನಿಧಿಸಲು ಆಯ್ಕೆಯಾಗಿದ್ದಾರೆ. ಚೆನ್ನೈಯಲ್ಲಿ ಜರಗಿದ ಸ್ಪರ್ಧೆಯಲ್ಲಿ ಅವರು ಕರ್ನಾಟಕವನ್ನು ಪ್ರತಿನಿಧಿಸಿದ್ದರು. ದೇಶದ 47 ಸ್ಪರ್ಧಿಗಳು ಭಾಗವಹಿಸಿ ದ್ದರು. ತೃಪ್ತಿ ಅವರು ಉಡುಪಿಯ ಪಿಪಿಸಿಯ ಹಳೆ ವಿದ್ಯಾರ್ಥಿನಿ. ಈಗ ಬೆಂಗಳೂರಿನಲ್ಲಿದ್ದಾರೆ. ಸ್ನಾತಕೋತ್ತರ ಎಂಫಿಲ್‌ ಪಡೆದಿದ್ದಾರೆ. ಮಾನವ ಸಂಪದ ವಿಷಯದಲ್ಲಿ ಪಿಎಚ್‌ಡಿ ಅಧ್ಯಯನ ನಡೆಸುತ್ತಿದ್ದಾರೆ.