ತೋಡಿನ ನೀರೆಲ್ಲಾ ಮನೆಯಂಗಳಕ್ಕೆ ! ಕೃತಕ ನೆರೆ ಸೃಷ್ಟಿ

ಮಂಗಳೂರು: ಕಂಪೌಂಡ್‌ ಗೋಡೆ ಕುಸಿದು ನೀರು ಹರಿಯುವ ತೋಡಿಗೆ ಬಿದ್ದು ಮಳೆ ನೀರೆಲ್ಲಾ ಮನೆಯಂಗಳಕ್ಕೆ ಹರಿಯುದು, ಕೃತಕ ನೆರೆ ಸೃಷ್ಟಿಯಾದ ಘಟನೆ ಸೋಮವಾರ ನಗರದ ಫಳ್ನೀರ್‌ ನಲ್ಲಿ ನಡೆದಿದೆ.

ಫಳ್ನೀರ್‌ ಪೆಟ್ರೋಲ್‌ ಪಂಪ್‌ ಹಿಂಭಾಗದ ಮಸ್ಕರೇನ್ಹಸ್‌ ಗಾರ್ಡನ್‌ ಎಂಬಲ್ಲಿ ಈ ಘಟನೆ ವರದಿಯಾಗಿದೆ.

ನೀರು ಹರಿಯುವ ತೋಡಿಗೆ ಕಂಪೌಂಡ್‌ ಗೋಡೆ ಕುಸಿದು ನೀರು ಹರಿಯುವ ತೋಡಿಗೆ ಬಿದ್ದಿದ್ದು, ನೀರು ಹರಿಯಲು ಅಡ್ಡಿಯಾಗಿದೆ. ಇದರಿಂದಾಗಿ ಮಳೆ ನೀರೆಲ್ಲಾ ಶೇಖರವಾಗಿ ಸಮೀಪದ ಮೂರು ಮನೆಗಳ ಸುತ್ತ ನೀರು ನಿಂತಿದೆ.

 

ಕಟ್ಟಡದ ಮೇಲೆ ಬಿದ್ದ ಮರ
ಮಂಗಳೂರು: ನಗರದ ಅಶೋಕ ನಗರ ಯುವಕ ಸಂಘದ ಕಟ್ಟಡದ ಮೇಲೆ ಮರ ಬಿದ್ದು, ಕಟ್ಟಡಕ್ಕೆ ಹಾನಿಯಾದ ಘಟನೆ ಸೋಮವಾರ ಬೆಳಗ್ಗೆ ನಡೆದಿದೆ.

ಸಾರ್ವಜನಿಕರು, ಅಗ್ನಿಶಾಮಕದಳದ ಸಿಬ್ಬಂದಿ ಹಾಗೂ ಸಂಘದ ಸದಸ್ಯರು ಸೇರಿ ಧರೆಗುರುಳಿದ ಮರವನ್ನು ಕೂಡಲೇ ತೆರವುಗೊಳಿಸಿ ವಾಹನ ಸಂಚಾರಕ್ಕೆ ಅನುಕೂಲ ಮಾಡಿ ಕೊಟ್ಟರು.