ಬೀದರ್ : ಖೋಟಾ ನೋಟು ಚಲಾವಣೆ ನಾಲ್ವರ ಬಂಧನ

ಬೀದರ: ಖೋಟಾ ನೋಟು ಚಲಾವಣೆ ಮಾಡುತ್ತಿದ ನಾಲ್ಕು ಜನ ಆರೋಪಿಗಳನ್ನು ಮನ್ನಾಎಖೇಳ್ಳಿ ಪೊಲೀಸ್‌ರು ಬಂಧಿಸಿ ವಿಚಾರಣೆ ನಡೆಸಿದ್ದಾರೆ.

ಚಿಟಗುಪ್ಪ ತಾಲೂಕಿನ ಮಂಗಲಗಿ ಗ್ರಾಮದ ಭವಾನಿ ಧಾಬಾ ಹತ್ತಿರ ಆರೋಪಿಗಳಾದ ಜಾಫರ ಪಾಶಾಮಿಯಾ ಮಿರ್ಜಾಪುರ, ಎಂ.ಡಿ ಶರೀಫ್ ಡಾಕುಳಗಿ, ನಾರಾಯಣ ಬಿರಾದರ ನೆಲವಾಡ, ಉದ್ದವ ಶಿವಾಜಿ ನಿಲಾಂಗಾ ಬಂದಿತರು. 100, 200 ಹಾಗೂ 500 ರೂ. ಮುಖ ಬೆಲೆಯ ನಕಲಿ ನೋಟುಗಳು ಚಲಾವಣೆ ಮಾಡುವಾಗ ಮನ್ನಾಎಖೇಳ್ಳಿ ಪೊಲೀಸ್‌ರು ಬಂಧಿಸಿದ್ದಾರೆಂದು ತಿಳಿದುಬಂದಿದೆ. ಈ ಕುರಿತು ಮನ್ನಾಎಖೇಳ್ಳಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಈ ಪ್ರಕರಣದಲ್ಲಿ ಇನ್ನು ಇತರೆ ಆರೋಪಿಗಳು ಇರುವ ಶಂಕೆ ಹಿನ್ನೆಲೆಯಲ್ಲಿ ಪೊಲೀಸ್‌ರು ಹೆಚ್ಚಿನ ವಿಚಾರಣೆ ನಡೆಸಿ ಆರೋಪಿಗಳ ಬಂಧನಕ್ಕೆ ಜಾಲ ಬಿಸಿದ್ದಾರೆ ಎಂದು ಮೂಲಗಳಿಂದ ತಿಳಿದುಬಂದಿದೆ.