ಸೇನೆಯ ಬತ್ತಳಿಕೆಗೆ ಮಿಲಾನ್‌-2ಟಿ

ಹೊಸದಿಲ್ಲಿ: ಭಾರತೀಯ ಸೇನೆಯ ಸಂಘಟಿತ ದಾಳಿ ಸಾಮರ್ಥ್ಯವನ್ನು ಮತ್ತಷ್ಟು ಹೆಚ್ಚಿಸಲು ಮುಂದಾಗಿರುವ ರಕ್ಷಣ ಇಲಾಖೆಯು ಭಾರತ್‌ ಡೈನಾಮಿಕ್ಸ್‌ ಲಿ. (ಬಿಡಿಎಲ್‌) ಜತೆಗೆ 4,960 “ಮಿಲಾನ್‌-2ಟಿ’ ಆ್ಯಂಟಿ-ಟ್ಯಾಂಕ್‌ ಗೈಡೆಡ್‌ ಕ್ಷಿಪಣಿ ವ್ಯವಸ್ಥೆ (ಎಟಿಜಿಎಂ)ಗಳನ್ನು ಖರೀದಿಸುವ ಮಹತ್ವದ ಒಪ್ಪಂದಕ್ಕೆ ಸಹಿ ಹಾಕಿದೆ.

ಒಟ್ಟು 1,188 ಕೋಟಿ ರೂ.ಗಳ ಒಪ್ಪಂದ ಇದಾಗಿದ್ದು, ಬಿಡಿಎಲ್‌ ಮುಂದಿನ ಮೂರು ವರ್ಷಗಳಲ್ಲಿ ಈ ಕ್ಷಿಪಣಿಗಳನ್ನು ಭೂ ಸೇನೆಗೆ ಹಸ್ತಾಂತರಿಸಲಿದೆ. ಈ ಒಪ್ಪಂದ ಪ್ರಧಾನಿ ಮೋದಿಯವರ ಆತ್ಮನಿರ್ಭರ ಭಾರತದಡಿ ರಕ್ಷಣ ಇಲಾಖೆಯನ್ನು ಮತ್ತಷ್ಟು ಶಕ್ತಿಶಾಲಿ ಹಾಗೂ ಸ್ವಾವಲಂಬಿ ಮಾಡುವ ಮಹತ್ವದ ಹೆಜ್ಜೆಯಾಗಿದೆ.

ಇದನ್ನೂ ಓದಿ:ನಂದಿ ನಾಡ ಕಚೇರಿಯಲ್ಲಿ ಸಕಾಲಸೇವೆ ಸ್ಥಗಿತ : ಸಾರ್ವಜನಿಕರ ಪರದಾಟ

ಫ್ರಾನ್ಸ್‌ ತಂತ್ರಜ್ಞಾನ

ಮೂಲತಃ ಇದು ಫ್ರೆಂಚ್‌ ಯುದ್ಧ ತಂತ್ರಜ್ಞಾನ; ಮೂಲ ಹೆಸರು ಟ್ಯಾಂಡೆಮ್‌ ವಾರ್‌ಹೆಡ್‌ ಎಟಿಜಿಎಂ. ಫ್ರಾನ್ಸ್‌ನ ಎಂಬಿಡಿಎ ಮಿಸೈಲ್‌ ಸಿಸ್ಟಂನಿಂದ ಪರವಾನಿಗೆ ಪಡೆದು ಇದನ್ನು ಭಾರತದಲ್ಲಿ ಪರಿಷ್ಕರಿಸಲಾಗಿದೆ.

ಏನಿದು ಮಿಲಾನ್‌-2ಟಿ?

ಶತ್ರು ಟ್ಯಾಂಕರ್‌ಗಳನ್ನು ದೂರದಿಂದಲೇ ನಾಶಗೊಳಿಸ ಬಲ್ಲ ಕ್ಷಿಪಣಿ ವ್ಯವಸ್ಥೆ. ಪೋರ್ಟಬಲ್‌ ಆಗಿದ್ದು, ಒಂದೆಡೆ ಯಿಂದ ಮತ್ತೂಂದೆಡೆಗೆ ಸುಲಭವಾಗಿ ಕೊಂಡೊಯ್ಯ ಬಹುದು. ಟ್ಯಾಂಕರ್‌ಗಳಿಂದ ಅಥವಾ ನೆಲದ ಮೇಲಿಂದ ಉಡಾಯಿಸಬಹುದು.