Advertisement
ಬಾಲಿವುಡ್‌ ನಲ್ಲಿ ಸಲ್ಮಾನ್ ಖಾನ್ ಅವರು ನವ ಕಲಾವಿದರ ಜೊತೆಯಾಗಿ ನಿಂತಿದ್ದಾರೆ. ಸಾಮಾನ್ಯವಾಗಿ ಸಲ್ಲುಭಾಯಿ ಜೊತೆ ಯಾರೂ ಕೂಡ ಕಿರಿಕ್‌ ಮಾಡಲು ಹೋಗುವುದಿಲ್ಲ ಯಾಕೆಂದರೆ ಅದರ ಪರಿಣಾಮ ಆ ಕಲಾವಿದರ ವೃತ್ತಿ ಬದುಕಿನ ಮೇಲೆ ಬೀಳುತ್ತದೆ. ಇದಕ್ಕಿರುವ ಒಂದು ಕಾರಣ ಜನಪ್ರಿಯ ಗಾಯಕ ಅರಿಜಿತ್ ಸಿಂಗ್.
Related Articles
Advertisement
ಅದಕ್ಕೆ ಸಲ್ಮಾನ್ ಖಾನ್ ಪ್ರತಿಕ್ರಿಯಿಸಿ, “ ಇದು ನಮ್ಮ ಸಮಸ್ಯೆ ಅಲ್ಲ, ‘ತುಮ್ ಹಿ ಹೋ’ ಹಾಡು ಪ್ಲೇ ಆಗುತ್ತಲೇ ಇದ್ದರೆ..” ಎಂದು ಹೇಳಿದ್ದರು.
ವೇದಿಕೆಯಲ್ಲಿ ನಡೆದ ಈ ಸಂಭಾಷಣೆ ವೇದಿಕೆಯ ಆಚೆ ಸಲ್ಮಾನ್ ಖಾನ್ ಅವರನ್ನು ಕೆರಳಿಸಿತ್ತು. ಅರಿಜಿತ್ ಅವರ ಮಾತು ಸಲ್ಮಾನ್ ಖಾನ್ ಅವರಿಗೆ ಅವಮಾನದಂತಾಗಿತ್ತು. ಈ ಕಾರಣದಿಂದ ʼಟೈಗರ್ʼ ಗಾಯಕನ ಮೇಲೆ ಗರಂ ಆಗಿದ್ದರು.
ಸಲ್ಮಾನ್ ಖಾನ್ ಅವರು ತನ್ನ ಸಿನಿಮಾವಾದ ‘ಸುಲ್ತಾನ್’ ಮತ್ತು ‘ಬಜರಂಗಿ ಭಾಯಿಜಾನ್’ ದಲ್ಲಿ ಅರಿಜಿತ್ ಅವರ ಹಾಡುಗಳನ್ನು ತೆಗೆದು ಹಾಕುವಂತೆ ಹೇಳಿದ್ದರು. ಸಲ್ಮಾನ್ ಖಾನ್ ಅವರ ಸಿಟ್ಟನ್ನು ಅರಿತ ಅರಿಜಿತ್ ಅನೇಕ ಬಾರಿ ಸಲ್ಲು ಬಳಿ ಕ್ಷಮೆ ಕೇಳಿದ್ದರು. 2016 ರಲ್ಲಿ ಬಹಿರಂಗವಾಗಿ ಗಾಯಕ ಸಲ್ಮಾನ್ ಬಳಿ ಕ್ಷಮೆ ಕೇಳಿದ್ದರು.
ಇದಾಗಿ 9 ವರ್ಷಗಳು ಕಳೆದಿದೆ. ನಿಧಾನವಾಗಿ ಅರಿಜಿತ್ ಸಿಂಗ್ ಬಿಟೌನ್‌ ನಲ್ಲಿ ಮತ್ತೆ ಮಿಂಚುತ್ತಿದ್ದಾರೆ. ಇದೀಗ ಸಲ್ಮಾನ್ ಖಾನ್ ಅವರ ನಿವಾಸದ ಬಳಿ ಅರಿಜಿತ್ ಕಾಣಿಸಿಕೊಂಡಿದ್ದಾರೆ. ಬುಧವಾರ(ಅ.4 ರಂದು) ಅರಿಜಿತ್ ಸಿಂಗ್ ಅವರು ಸಲ್ಮಾನ್ ಖಾನ್ ಅವರ ಮುಂಬಯಿ ನಿವಾಸದಿಂದ ಹೊರಗೆ ಬರುತ್ತಿರುವ ವಿಡಿಯೋ ಸೋಶಿಯಲ್‌ ಮೀಡಿಯಾದಲ್ಲಿ ವೈರಲ್ ಆಗಿದೆ.
ʼಟೈಗರ್-3ʼ ಸಿನಿಮಾಕ್ಕಾಗಿ ಸಲ್ಮಾನ್ ಅವರ ಜೊತೆ ಮತ್ತೆ ಅರಿಜಿತ್ ಸಿಂಗ್ ಜೊತೆಯಾಗಲಿದ್ದಾರೆ ಎಂದು ಅಭಿಮಾನಿಗಳು ಮಾತನಾಡಿಕೊಳ್ಳುತ್ತಿದ್ದಾರೆ.
ಅರಿಜಿತ್ ಅವರ ಸಲ್ಲು ಮನೆ ಭೇಟಿಯ ವಿಡಿಯೋ ಸೋಶಿಯಲ್‌ ವೈರಲ್ ಆಗಿದೆ.