ಲಾಕ್ ಡೌನ್ ಎದುರಿಸುವ ಪರಿಸ್ಥಿತಿಯಲ್ಲಿ ರಾಜ್ಯದ ಜನ ಇದ್ದಾರೆಯೇ?

ಮಣಿಪಾಲ: ರಾಜ್ಯದಲ್ಲಿ ಮತ್ತೊಮ್ಮೆ ಕಟ್ಟುನಿಟ್ಟಿನ ಲಾಕ್ ಡೌನ್ ಪರಿಸ್ಥಿತಿ ಜಾರಿಯಾದರೆ ಅದನ್ನು ಎದುರಿಸುವ ಮನಸ್ಥಿತಿಯಲ್ಲಿ ರಾಜ್ಯದ ಜನ ಇದ್ದಾರೆಯೇ? ಈ ವಿಚಾರದಲ್ಲಿ ನಿಮ್ಮ ಅಭಿಪ್ರಾಯ ತಿಳಿಸಿ ಎಂದು ಉದಯವಾಣಿ ಕೇಳಿದ್ದು, ಆಯ್ದ ಉತ್ತರಗಳು ಇಲ್ಲಿದೆ.

ನರಸಿಂಹ ಮೂರ್ತಿ ಎನ್ ಎಂ:ಯಾವ ಲಾಕ್ ಡೌನೂ ಬೇಕಾಗಿಲ್ಲ. ಇನ್ನು ಮುಂದೆ ಏನಿದ್ದರೂ ಸ್ವಯಂ ಲಾಕ್ ಡೌನ್ ಅನೌನ್ಸ್ ಮಾಡಿ ಮಾಸ್ಕ್ ಮತ್ತು ಸಾಮಾಜಿಕ ಅಂತರವನ್ನು ಕಡ್ಡಾಯ ಗೊಳಿಸಬೇಕು. ಸ್ವಯಂ ಲಾಕ್ ಡೌನ್ ಗೆ ಒಂದು ತಿಂಗಳ ಕಾಲಮಿತಿ ಕೊಡಬೇಕು. ಆ ದಿನಾಂಕದ ನಂತರ ಪಾಜಿಟಿವ್ ಬಂದರೆ ಅವರೇ ತಮ್ಮ ಸ್ವಂತ ಹಣದಿಂದ ಚಿಕಿತ್ಸೆ ಪಡೆಯಬೇಕು ಎಂದು ನಿಯಮ ಮಾಡಿದರೆ ಆಗ ಎಚ್ಚೆತ್ತುಕೈಳ್ಳಬಹುದು. ಇಲ್ಲವಾದರೆ ಪುಕ್ಕಟ್ಟೆ ಚಿಕಿತ್ಸೆ ನೀಡುತ್ತಾ ಹೋದರೆ ಬೇಜವಾಬ್ದಾರಿತನ ಜಾಸ್ತಿ ಆಗಿ ಕೊರೋನಾ ಮತ್ತಷ್ಟು ಹೆಚ್ಚುತ್ತದೆ

ಹರೀಶ್ ಪೈ: ಏನು ಮಾಡಿದರು ಇವರನ್ನು ಸುಧಾರಿಸುವುದು ಕಷ್ಟದ ಕೆಲಸ. ಜೀವದ ಆಸೆ ಇರುವರು ಜಾಗೃತರಾಗಿರಿ.

ಗಿರೀಶ್ ಎಸ್ ಗೌಡ: ಲಾಕ್ ಡೌನ್ ಮಾಡೋದ್ರಿಂದ ಜನರು ತುಂಬಾ ಕಷ್ಟ ಅನುಭವಿಸುತ್ತಾರೆ . ಲಾಕ್ ಡೌನ್ ಬೇಡ ಬೇರೆ ಉಪಾಯ ಅಥವಾ ಲಸಿಕೆ ಕಂಡುಹಿಡಿದು ಕೋವಿಡ್-19 ನಿರ್ಮೂಲನ ಮಾಡೋಣ

ಸುರೇಶ್ ಸುರೇಶ್: ಪ್ರತಿ ಮನೆಗೆ ಆಹಾರವನ್ನು ಕೊಟ್ಟರೆ ಯಾರು ಮನೆಯಿಂದ ಹೊರಗೆ ಬರುತ್ತಿಲ್ಲ ಎಲ್ಲರಿಗೂ ಕೊಡಬೇಕು

ಚಿ. ಮ. ವಿನೋದ್ ಕುಮಾರ್:  90% ಪ್ರತಿಶತ ಜನರು ಬೀದಿಗೆ ಬೀಳುತ್ತಾರೆ.ಹಸಿವಿನಿಂದ ಮತ್ತು ಆತ್ಮಹತ್ಯೆ ಮಾಡಿಕೊಳ್ಳುವವರ ಸಂಖ್ಯೆ ಹೆಚ್ಚಾಗುತ್ತದೆ.

ಸುಮ ಕಾರಂತ್: ದುಡ್ಡಿರೋರು ಲಾಕ್ಡೌನ್ ಮಾಡಿದರು ಜೀವನ ನಡೆಸುತ್ತಾರೆ ದುಡ್ಡು ಇಲ್ಲದವರು ಏನು ಮಾಡಬೇಕು, 5 ಕೆಜಿ ಅಕ್ಕಿ 1ಕೆಜಿ ಬೇರೆ ಕೊಟ್ಟರೆ ಜೀವನ ಮಾಡಲು ಆಗುತ್ತ, ಭಾನುವಾರ ಒಂದು ದಿನ ಕೋವಿಡ್-19 ಬರುವುದಿಲ್ಲವೇ, ಬೆಳಗ್ಗೆ ಒಂದು ನಿರ್ಧಾರ ಸಂಜೆ ಒಂದು ನಿರ್ಧಾರ ತೆಗೆದು ಕೊಳ್ಳುತ್ತೀರಾ, ಎಲ್ಲರಿಗೂ ದುಡ್ಡುಕೊಟ್ಟು ಲಾಕ್ಡೌನ್ ಮಾಡಿ

ಸತೀಶ್ ರಾವ್: ಊರು ಕೊಳ್ಳೇ ಹೋದ ಮೇಲೆ ದಿಡ್ಡಿ ಬಾಗಿಲು ಹಾಕಿ ದಂತೆ ಈ ಗಾದೆ ಸದ್ಯದ ಪರಿಸ್ಥಿತಿಯಲ್ಲಿ ಸರಿಯಾಗಿ ಅನ್ವಯಿಸಬಹುದು, ಇನ್ನುಮುಂದೆ ಯಾವುದಾದರೂ ಪವಾಡ ನಡೀಬೇಕು. ಇಲ್ಲ ಅಂದ್ರೆ ನಮ್ಮ ಜಾಗ್ರತೆಯಿಂದ ನಾವಿರಬೇಕು. ಸರ್ಕಾರ ಮಾಡಿದನ್ನ ನೋಡಿ ಸಾಕಾಗಿದೆ.