ಅರಾಮ್ಕೊ ಐಪಿಒಗೆ ಭಾರೀ ಬೇಡಿಕೆ

ದುಬಾೖ: ಸೌದಿ ಅರೇಬಿಯಾದ ತೈಲ ಕಂಪೆನಿ ಅರಾಮ್ಕೊ ಬಿಡುಗಡೆ ಮಾಡಿದ ಐಪಿಒಗೆ ಭಾರೀ ಬೇಡಿಕೆ ಬಂದಿದೆ. ಇದರಿಂದಾಗಿ ಅದು ಕಂಪೆನಿಯನ್ನು 1.7 ಲಕ್ಷಕೋಟಿ ಡಾಲರ್‌ ಮೌಲ್ಯಕ್ಕೆ ಏರಿಸಿದೆ. ಸೌದಿ ಅರೇಬಿಯಾದವರಿಗೆ ಮಾತ್ರ ಎಂದು ನಿಯಮ ವಿಧಿಸಲಾಗಿರುವ ಹಿನ್ನೆಲೆಯಲ್ಲಿ ಅಮೆರಿಕ ಮತ್ತು ಇತರ ಮಾರುಕಟ್ಟೆಯಲ್ಲಿ ಅದನ್ನು ನೇರವಾಗಿ ಮಾರಾಟ ಮಾಡಲು ಸಾಧ್ಯವಾಗಿಲ್ಲ.

ಸೌದಿ ಅರೇಬಿಯಾದ ಷೇರು ಮಾರುಕಟ್ಟೆಯಲ್ಲಿ ಹೂಡಿಕೆ ಮಾಡಲು ಅನುಮತಿ ಪಡೆದಿರುವ ಕಂಪೆನಿಗಳಿಗೆ ಮಾತ್ರ ಐಪಿಒ ಖರೀದಿಗೆ ಅನುಮತಿ ನೀಡಲಾಗಿದೆ. ಅರಾಮ್ಕೊ ಒಟ್ಟು ಮೂರು ಬಿಲಿಯನ್‌ ಷೇರುಗಳ ಮಾರಾಟಕ್ಕೆ ಮುಂದಾಗಿದೆ. ಪ್ರತಿ ಷೇರಿನ ಬೆಲೆ 30-32 ರಿಯಲ್‌ (571 ರೂ.ಗಳಿಂದ 611 ರೂ) ಆಗಿದೆ.