ರೈತರ ಸಾಲಮನ್ನಾ ಅರ್ಜಿ ಪರಿಶೀಲನಾ ಸಭೆ

ಹೊನ್ನಾಳಿ: ತಾಲೂಕು ಮಟ್ಟದ ಸಮಿತಿ ವತಿಯಿಂದ ತಾಲೂಕಿನ ರೈತರ ಸಾಲಮನ್ನಾ ಅರ್ಜಿ ಪರಿಶೀಲನಾ ಸಭೆ ಮಂಗಳವಾರ ತಾಲೂಕು ಕಚೇರಿ ಸಭಾಂಗಣದಲ್ಲಿ ನಡೆಯಿತು.

ಈ ಸಂದರ್ಭದಲ್ಲಿ ಮಾತನಾಡಿದ ತಹಶೀಲ್ದಾರ್‌ ತುಷಾರ ಬಿ.ಹೊಸೂರು, ತಾಲೂಕಿನ ರೈತರು ತಮ್ಮ ಸಾಲಮನ್ನಾಕ್ಕೆ ಗ್ರಾಮಗಳ ವಿಎಸ್‌ಎಸ್‌ಎನ್‌ ಹಾಗೂ ಬ್ಯಾಂಕ್‌ಗಳಿಗೆ ದಾಖಲೆಗಳನ್ನು ಸಲ್ಲಿಸಲಾಗಿದೆ. ದಾಖಲೆಗಳಲ್ಲಿ ದೋಷಗಳಿದ್ದಲ್ಲಿ ಅವುಗಳನ್ನು ಸರಿಪಡಿಸುವ ಕಾರ್ಯ ಮಾಡಲಾಗುವುದು ಎಂದು ತಿಳಿಸಿದರು.

19 ಬ್ಯಾಂಕ್‌ಗಳು ಹಾಗೂ 32 ವಿಎಸ್‌ಎಸ್‌ಎನ್‌ಗಳಿಂದ ಸಾಲ ಮನ್ನಾ ದಾಖಲೆಗಳು ಬಂದಿದ್ದು, ಕಂದಾಯ ಇಲಾಖೆ ಸಿಬ್ಬಂದಿಯಿಂದ ಎಲ್ಲ ದಾಖಲೆ ಪರಿಶೀಲಿಸಿ ಮುಂದಿನ ಕ್ರಮ ಕೈಗೊಳ್ಳಲಾಗುವುದು ಎಂದರು.

ತಾಲೂಕಿನ 32 ವಿಎಸ್‌ಎಸ್‌ಎನ್‌ ಸೊಸೈಟಿಗಳಿಂದ 14,727 ಸಾಲಮನ್ನಾ ಯೋಜನೆಯ ವ್ಯಾಪ್ತಿಯಲಿ ಬರುವ ರೈತರು ಸಾಲ ಮನ್ನಾಕ್ಕೆ ಸಲ್ಲಿಸಲಾಗಿದೆ. 19 ಬ್ಯಾಂಕ್‌ಗಳಿಂದ 6,734 ಸಾಲಮನ್ನಾ ಯೋಜನೆಯಡಿ ದಾಖಲೆ ಸಲ್ಲಿಸಲಾಗಿದೆ. ಈ ಎಲ್ಲ ದಾಖಲೆಗಳ ಪರಿಶೀಲನೆ ಕಾರ್ಯ ನಡೆದಿದೆ ಎಂದು ತಿಳಿಸಿದರು.