ಕಚೇರಿಗೆ ಬಂದು ಕೆಲಸ ಮಾಡಲ್ಲ

ವಾಷಿಂಗ್ಟನ್‌: ಕೊರೊನಾ ಕರಾಳತೆಗೆ ಸಿಲುಕಿದ್ದ ಜಗತ್ತು ಈಗ ನಿಧಾನವಾಗಿ ಸಹಜ ಸ್ಥಿತಿಗೆ ಬರುತ್ತಿದೆ. ಹೀಗಾಗಿ, ಬಹುತೇಕ ಕಂಪನಿಗಳು ತಮ್ಮ ಉದ್ಯೋಗಿಗಳನ್ನು “ವರ್ಕ್‌ ಫ್ರಂ ಹೋಂ’ನಿಂದ ಕಚೇರಿ ಕಡೆ ಮುಖ ಮಾಡುವಂತೆ ಸೂಚಿಸುತ್ತಿವೆ.

ಆ್ಯಪಲ್‌, ಗೂಗಲ್‌ ಸೇರಿದಂತೆ ಪ್ರಮುಖ ಟೆಕ್‌ ಕಂಪನಿಗಳು ‌ ನೌಕರರನ್ನು ಕಚೇರಿಗೆ ಕರೆಸಿಕೊಳ್ಳಲಾರಂಭಿಸಿವೆ.

ಆದರೆ, ಉದ್ಯೋಗಿ­ಗಳಿಗೆ ಈ ನಿರ್ಧಾರ ಇಷ್ಟವಾಗಿಲ್ಲ. ಆ್ಯಪಲ್‌ ಕಂಪನಿಯ ನೌಕರರಂತೂ, “ಮನೆಯಿಂದಲೇ ಕೆಲಸ ಮುಂದುವರಿಸಲು ಬಯಸುತ್ತೇವೆ.

ಕಚೇರಿಗೇನಾದರೂ ಕರೆದರೆ ಕೆಲಸ ಬಿಡಲೂ ಸಿದ್ಧ’ ಎನ್ನುತ್ತಿದ್ದಾರೆ. ಶೇ.76ರಷ್ಟು ಮಂದಿ “ಕಚೇರಿಗೆ ಮರಳಿ’ ನೀತಿಯ ವಿರುದ್ಧ ಧ್ವನಿಯೆತ್ತಿದ್ದಾರೆ ಎಂದು ಸಮೀಕ್ಷೆಯಲ್ಲಿ ತಿಳಿದುಬಂದಿದೆ.