ಬೆಂಗಳೂರಲ್ಲಿ ಕೊಹ್ಲಿಗೆ ಅನುಷ್ಕಾ ಫ್ಲೈಯಿಂಗ್‌ ಕಿಸ್‌!

ಬೆಂಗಳೂರು: ವಿರಾಟ್‌ ಕೊಹ್ಲಿಯ ಪತ್ನಿ ನಟಿ ಅನುಷ್ಕಾ ಶರ್ಮ ಶುಕ್ರವಾರ ಸಂಜೆ ಆರ್‌ಸಿಬಿ-ಪಂಜಾಬ್‌ ನಡುವಿನ ಪಂದ್ಯವನ್ನು ವಿವಿಐಪಿ ಪ್ರೇಕ್ಷಕರ ಗ್ಯಾಲರಿಯಲ್ಲಿ ಕುಳಿತು ವೀಕ್ಷಿಸಿದರು. ಈ ವೇಳೆ ಅವರು ಕ್ರೀಡಾಂಗಣದಲ್ಲಿದ್ದ ವಿರಾಟ್‌ ಕೊಹ್ಲಿಗೆ ಫ್ಲೈಯಿಂಗ್‌ ಕಿಸ್‌ ಸರಣಿಯನ್ನೇ ರವಾನಿಸಿದರು.

ಈ ವೇಳೆ ಅಭಿಮಾನಿಗಳು ಜೋರಾಗಿ ಕಿರುಚಿ, ಕರತಾಡನ ನಡೆಸಿ ಸಂಭ್ರಮಿಸಿದರು.ಅನುಷ್ಕಾ ಜತೆ ಬಾಲಿವುಡ್‌ ನಟಿ, ಕಿಂಗ್ಸ್‌ ಇಲೆವೆನ್‌ ಪಂಜಾಬ್‌ ತಂಡದ ಒಡತಿ ಪ್ರೀತಿ ಜಿಂಟಾ ಕೂಡ ಉಪಸ್ಥಿತರಿದ್ದರು.