ಕಂಬದಕೋಣೆ ಬಾಲಕರು ನೀರುಪಾಲು ಪ್ರಕರಣ: ಮತ್ತೋರ್ವ ಬಾಲಕನ ಶವಪತ್ತೆ

ಬೈಂದೂರು: ಕಂಬದಕೋಣೆ ಗ್ರಾಮದ ಎಡಮಾವಿನ ಹೊಳೆಗೆ ಸ್ನಾನಕ್ಕೆಂದು ತೆರಳಿ ವಿದ್ಯಾರ್ಥಿಗಳು ನೀರುಪಾಲಾದ ಇಬ್ಬರು ಮಕ್ಕಳಲ್ಲಿ ಮತ್ತೊಬ್ಬನ ಶವ ಶನಿವಾರ ಪತ್ತೆಯಾಗಿದೆ.

ಗುರುವಾರ ವಿದ್ಯಾರ್ಥಿಗಳಾದ ವಂಶಿತ್ ಶೆಟ್ಟಿ ಮತ್ತು ರಿತೇಶ್ ಶೆಟ್ಟಿ ನೀರುಪಾಲಾಗಿದ್ದರು. ಇವರಲ್ಲಿ ರಿತೇಶ್ ಶವ ಇಂದು ರೈಲ್ವೇ ಸೇತುವೆ ಕೆಳಗಿನ ಪೊದೆಯಲ್ಲಿ ಪತ್ತೆಯಾಗಿದೆ.

7ನೇ ತರಗತಿ ವಿದ್ಯಾರ್ಥಿಗಳಾದ ಇವರಿಬ್ಬರು ಮತ್ತಿಬ್ಬರು ಸ್ನೇಹಿತರೊಂದಿಗೆ ಆಟವಾಡುತ್ತಿದ್ದರು. ಆಟದ ನಂತರ ಕಾಲು ತೊಳೆಯಲೆಂದು ನದಿಯತ್ತ ತೆರಳಿದ್ದರು. ಇಲ್ಲಿನ ಬೊಬ್ಬರ್ಯನ ಗುಂಡಿಗೆ ಇಳಿದಾಗ ಈ ದುರ್ಘಟನೆ ಸಂಭವಿಸಿದ್ದು, ವಂಶಿತ್ ಮತ್ತು ರಿತೇಶ್ ನೀರುಪಾಲಾಗಿದ್ದರು.