Advertisement
ಇದೇ ವೇಳೆ ಆರೋಪಿಯ ಪತ್ತೆಗೆ ಮುಂಬೈ, ತಮಿಳುನಾಡು ಸೇರಿದಂತೆ ನಾನಾ ರಾಜ್ಯಗಳಲ್ಲಿ ತನಿಖಾ ತಂಡ ಕಾರ್ಯಾಚರಣೆ ನಡೆಸುತ್ತಿತ್ತು. ಈ ಮಾಹಿತಿ ಪಡೆದ ಆರೋಪಿ ಮೂರು ದಿನಗಳ ಹಿಂದೆ ಏಕಾಏಕಿ ನ್ಯಾಯಾಧೀಶರ ಮುಂದೆ ಹಾಜರಾಗಿದ್ದಾನೆ. ಇದರಿಂದ ಅಚ್ಚರಿಗೊಂಡ ನ್ಯಾಯಾಧೀಶರು ಕೂಡಲೇ ಕೋರಮಂಗಲ ಠಾಣೆಗೆ ಮಾಹಿತಿ ನೀಡಿದ್ದಾರೆ. ಸ್ಥಳಕ್ಕೆ ಧಾವಿಸಿದ ಪೊಲೀಸರ ಸಮ್ಮುಖದಲ್ಲಿ ವಿಚಾರಣೆ ನಡೆಸಿದ ನ್ಯಾಯಾಧೀಶರು ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಿದ್ದಾರೆ.
ಕೃತ್ಯಕ್ಕೆ ರೌಡಿಶೀಟರ್‌ ಪ್ರಶಾಂತ್‌ ಮತ್ತು ನಮ್ಮ ತಂಡಕ್ಕೆ ಸುಪಾರಿ ಕೊಟ್ಟಿದ್ದೇ ಪ್ರಕರಣದ ಪ್ರಮುಖ ಆರೋಪಿ ರಾಜೇಂದ್ರ ಅರಸ್‌. ಈತನ ಮೂಲಕವೇ ಪ್ರಕರಣದ ಮಾಸ್ಟರ್‌ ಮೈಂಡ್‌ ಎಂದು ಎನ್ನಲಾದ ಸಂತೋಷ್‌ನನ್ನು ಡಾಲರ್ಸ್‌ ಕಾಲೋನಿಯಲ್ಲಿರುವ ಬಿಜೆಪಿ ರಾಜ್ಯಾಧ್ಯಕ್ಷ ಬಿ.ಎಸ್‌.ಯಡಿಯೂರಪ್ಪ ಮನೆಯಲ್ಲೇ ಎರಡು ಬಾರಿ ಭೇಟಿಯಾಗಿದ್ದೇನೆ.
Related Articles
Advertisement
ನ್ಯಾಯಾಲಯಕ್ಕೆ ವರದಿಪ್ರಕರಣದಲ್ಲಿ ಇದುವರೆಗೂ 10 ಮಂದಿಯನ್ನು ಬಂಧಿಸಲಾಗಿದ್ದು, ಬಹಳಷ್ಟು ಮಂದಿಯ ವಿಚಾರಣೆ ನಡೆಸಲಾಗಿದೆ. ಎಲ್ಲ ಆರೋಪಿಗಳು ಸಂತೋಷ್‌ ಪಾತ್ರದ ಕುರಿತು ಸಾಕ್ಷ್ಯಾ ಸಮೇತ ಹೇಳುತ್ತಿದ್ದಾರೆ.ಆದರೆ, ಸಂತೋಷ್‌ ಮಾತ್ರ ಕೃತ್ಯದ ಹಿಂದಿನ ರಹಸ್ಯವನ್ನು ಬಾಯಿ ಬಿಡುತ್ತಿಲ್ಲ. ಪ್ರತಿ ಬಾರಿಯ ವಿಚಾರಣೆ ವೇಳೆ ಗೊಂದಲದ ಹೇಳಿಕೆ ನೀಡುತ್ತಿದ್ದಾರೆ. ಹೀಗಾಗಿ ಸದ್ಯದಲ್ಲೇ ಆರೋಪಿಗಳ ಹೇಳಿಕೆಗಳನ್ನು ದಾಖಲೆ ಸಮೇತ ನ್ಯಾಯಾಲಯಕ್ಕೆ ಸಲ್ಲಿಸಲಾಗುವುದು. ಹಾಗೆಯೇ ಸಂತೋಷ್‌ ತನಿಖೆ ಗೆ ಸಹಕರಿಸದಿರುವ ಕುರಿತು ಕೋರ್ಟ್‌ ಗಮನಕ್ಕೆ ತಂದು, ಆತನ ನಿರೀಕ್ಷಣಾ ಜಾಮೀನನ್ನು ರದ್ದು ಪಡಿಸುವಂತೆ ಅಧಿಕಾರಿಗಳು ಮನವಿ ಮಾಡಲಿದ್ದಾರೆಂದು ಎಂದು ಮೂಲಗಳು ತಿಳಿಸಿವೆ. ವಿನಯ್‌ ಅಪಹರಣಕ್ಕೆ ಮೂಲ ಕಾರಣ ಈತನ ಬಳಿಯಿರುವ ಸಿಡಿ ಎಂದು ಬಂಧಿತ ಆರೋಪಿಗಳು ವಿಚಾರಣೆ ವೇಳೆ ಹೇಳಿದ್ದಾರೆ. ಆದರೆ, ದೂರುದಾರ ವಿನಯ್‌ ಆಗಲಿ ಆರೋಪಿ ಎನ್ನಲಾದ ಸಂತೋಷ್‌ ಆಗಲಿ ಯಾವುದೇ ಸಿಡಿ ಕುರಿತು ಮಾಹಿತಿ ನೀಡುತ್ತಿಲ್ಲ. ವಿನಯ್‌ ಸಹ ತಮ್ಮ ಬಳಿ ಯಾವುದೇ ಸಿಡಿ ಇಲ್ಲ ಎಂದು ವಾದ ಮಾಡುತ್ತಿದ್ದಾರೆ ಎಂದು ಮೂಲಗಳು ತಿಳಿಸಿವೆ.