ಯಾದಗಿರಿ: ಜಿಲ್ಲೆಯಲ್ಲಿ ಶನಿವಾರವೂ ಕೋವಿಡ್ ಆಘಾತ ಮುಂದುವರಿದಿದ್ದು, ಮತ್ತೆ ಜಿಲ್ಲೆಯ 18 ಜನರಲ್ಲಿ ಸೋಂಕು ದೃಡವಾಗಿದೆ.
1 ವರ್ಷದ ಬಾಲಕಿ ಪಿ-2815, 2 ವರ್ಷದ ಬಾಲಕ ಪಿ- 2814, 3 ವರ್ಷದ ಬಾಲಕಿ ಪಿ-2813 ಮತ್ತು 7 ವರ್ಷದ ಬಾಲಕಿ ಪಿ- 2812, 11 ವರ್ಷದ ಬಾಲಕ ಪಿ-2803 ಹಾಗು 17 ವರ್ಷದ ಬಾಲಕ ಪಿ -2810 ಸೇರಿದಂತೆ ಮಧ್ಯ ವಯಸ್ಕರಲ್ಲಿಯೇ ಸೋಂಕು ಕಾಣಿಸಿಕೊಂಡಿದೆ.
ಜಿಲ್ಲೆಯಲ್ಲಿ ಈವರೆಗೆ 223 ಇದ್ದ ಜಿಲ್ಲೆಯ ಸೋಂಕಿತರ ಸಂಖ್ಯೆ 241ಕ್ಕೆ ಏರಿಕೆಯಾಗಿದೆ.
ಹಸಿರು ಪಟ್ಟಿಯಲ್ಲಿದ್ದ ಯಾದಗಿರಿಗೆ ಕೋವಿಡ್ ಆಘಾತ ಕಾಡುತ್ತಿದ್ದು ಜಿಲ್ಲೆಯ ಜನರಲ್ಲಿ ತೀವ್ರ ಆತಂಕ ಎದುರಾಗಿದೆ. ಈ ಹಿಂದೆ ಯಾವುದೇ ಸೋಂಕಿತರು ಇಲ್ಲದ ಸಂದರ್ಭದಲ್ಲಿ ಲಾಕ್ ಡೌನ್ ಮಾಡಲಾಗಿತ್ತು ಇದೀಗ ಸೋಂಕಿತರ ಸಂಖ್ಯೆ ಸ್ಫೋಟಗೊಳ್ಳುತ್ತಿರುವ ವೇಳೆ ನಿಯಮ ಸಡಿಲುಗೊಳಿಸುತ್ತಿರುವುದು ಎಷ್ಟು ಸರಿ? ಎನ್ನುವ ಅಸಮಾಧಾನ ವ್ಯಕ್ತವಾಗುತ್ತಿದೆ.
ಜಿಲ್ಲೆಯಲ್ಲಿ ಈವರೆಗೆ 9 ಜನರು ಸೋಂಕಿನಿಂದ ಗುಣಮುಖ ಹೊಂದಿ ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದು ಸೋಂಕಿಗೆ ಒಬ್ಬ ಮಹಿಳೆ ಸಾವನ್ನಪ್ಪಿದ್ದಾರೆ.
