ಕೆನಡಾದಲ್ಲಿ ಮೊದಲ ಹಿಂದೂ ಸಚಿವೆಗೆ ಅಧಿಕಾರ ಭಾಗ್ಯ

ಒಟ್ಟಾವಾ: ಇತ್ತೀಚೆಗೆ ಮುಕ್ತಾಯವಾಗಿರುವ ಕೆನಡಾ ಸಂಸತ್‌ ಚುನಾವಣೆಯಲ್ಲಿ ಅಧಿಕಾರ ಉಳಿಸಿಕೊಂಡಿರುವ ಪ್ರಧಾನಿ ಜಸ್ಟಿನ್‌ ತ್ರುದೌ ತಮ್ಮ ಸಂಪುಟಕ್ಕೆ ನಾಲ್ವರು ಭಾರತೀಯ ಮೂಲದವರನ್ನು ಸಚಿವರನ್ನಾಗಿ ನೇಮಿಸಿದ್ದಾರೆ.

ನವದೀಪ್‌ ಸಿಂಗ್‌ ಬೈನ್ಸ್‌, ಹರ್ಜಿತ್‌ ಸಿಂಗ್‌ ಸಜ್ಜನ್‌, ಬರ್ದಿಶ್‌ ಛಗ್ಗರ್‌ ಮತ್ತು ಅನಿತಾ ಆನಂದ್‌ ಎಂಬ ನಾಲ್ವರು ಭಾರತೀಯ ಮೂಲದ ಸಂಸದರು ಸಚಿವರಾಗಿದ್ದಾರೆ. ಈ ಪೈಕಿ ಅನಿತಾ ಆನಂದ್‌ ಸಚಿವ ಸ್ಥಾನಕ್ಕೇರಿದ ಮೊದಲ ಹಿಂದೂ ಮಹಿಳೆಯಾಗಿದ್ದಾರೆ.

ಅವರನ್ನು ಸಾರ್ವಜನಿಕ ಸೇವೆಗಳ ಖಾತೆ ಸಚಿವರನ್ನಾಗಿ ನೇಮಿಸಲಾಗಿದೆ. ಬೈನ್ಸ್‌ಗೆ ವಿಜ್ಞಾನ ಮತ್ತು ಕೈಗಾರಿಕೆ, ಛಗ್ಗರ್‌ಗೆ ಯುವಜನ, ವೈವಿಧ್ಯತೆ ಖಾತೆ ಸಚಿವರನ್ನಾಗಿ ನೇಮಿಸಲಾಗಿದೆ. ಸಜ್ಜನ್‌ ಅವರನ್ನು ರಕ್ಷಣಾ ಖಾತೆ ಸಚಿವರನ್ನಾಗಿ ಉಳಿಸಿಕೊಳ್ಳಲಾಗಿದೆ.