ಹೈದರಾಬಾದ್: ರಣ್ಬೀರ್‌ ಕಪೂರ್‌ ಅವರ ʼಅನಿಮಲ್‌ʼ ಚಿತ್ರದ ಟೀಸರ್‌ ರಿಲೀಸ್ ಆಗಿದ್ದು, ಪ್ಯಾನ್‌ ಇಂಡಿಯಾ ಪ್ರೇಕ್ಷಕರು ಟೀಸರ್‌ ನೋಡಿ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಹಲವು ಸ್ಟಾರ್‌ ಗಳು ರಣ್ಭೀರ್‌ ಅವರಿಗೆ ಹುಟ್ಟುಹಬ್ಬದ ಶುಭಾಶಯವನ್ನು ಕೋರಿ, ಅವರ ಸಿನಿಮಾದ ಟೀಸರ್‌ ನ್ನು ಹಂಚಿಕೊಂಡಿದ್ದಾರೆ.
ʼಅನಿಮಲ್‌ʼ ಸಿನಿಮಾದಲ್ಲಿ ನಾಯಕಿಯಗಿ ಬಹುಭಾಷಾ ನಟಿ ರಶ್ಮಿಕಾ ಮಂದಣ್ಣ ಅವರು ಕಾಣಿಸಿಕೊಳ್ಳಲಿದ್ದಾರೆ. ಅವರು ʼಗೀತಾಂಜಲಿʼ ಎನ್ನುವ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ʼಅನಿಮಲ್‌ʼ ಚಿತ್ರದ ಟೀಸರ್‌ ನೋಡಿ ನಟ ವಿಜಯ್‌ ದೇವರಕೊಂಡ ಅವರು ಶುಭಾಶಯವನ್ನು ಕೋರಿದ್ದಾರೆ.
ಟ್ವಿಟರ್‌ ನಲ್ಲಿ ʼಅನಿಮಲ್‌ʼ ಚಿತ್ರದ ಟೀಸರ್‌ ನೋಡಿ ದೇವರಕೊಂಡ ಅವರು ʼಡಾರ್ಲಿಂಗ್ಸ್‌ʼ ಎಂದು ಬರೆದುಕೊಂಡು ರಶ್ಮಿಕಾ ಹಾಗೂ ಸಂದೀಪ್‌ ವಂಗಾ ಅವರ ಸಿನಿಮಾಕ್ಕೆ ಶುಭಕೋರಿದ್ದಾರೆ.
ʼಅನಿಮಲ್‌ʼ ಲಿಂಕ್‌ ಹಂಚಿಕೊಂಡು, “ನನ್ನ ಡಾರ್ಲಿಂಗ್ಸ್‌ ಗಳಾದ ಸಂದೀಪ್‌ ವಂಗಾ ರಶ್ಮಿಕಾ ಅವರಿಗೆ ಶುಭಕೋರುತ್ತಿದ್ದೇನೆ. ನನ್ನ ಮೆಚ್ಚಿನ ರಣ್ಬೀರ್‌ ಕಪೂರ್‌ ಅವರಿಗೆ ಹುಟ್ಟುಹಬ್ಬದ ಶುಭಾಶಯ ಎಂದು ಬರೆದುಕೊಂಡಿದ್ದಾರೆ.
ಸಂದೀಪ್‌ ವಂಗಾ ಅವರೊಂದಿಗೆ ʼಅರ್ಜುನ್‌ ರೆಡ್ಡಿʼ ಸಿನಿಮಾದಲ್ಲಿ ದೇವರಕೊಂಡ ಕೆಲಸ ಮಾಡಿದ್ದು, ಇತ್ತ ರಶ್ಮಿಕಾ ಜೊತೆ ʼಗೀತಾ ಗೋವಿಂದಂʼ ʼಡಿಯರ್ ಕಾರ್ಮೆಡ್ʼ ಸಿನಿಮಾ ದೇವರಕೊಂಡ ನಟಿಸಿದ್ದಾರೆ. ರಶ್ಮಿಕಾ ಹಾಗೂ ದೇವರಕೊಂಡ ಡೇಟಿಂಗ್‌ ನಲ್ಲಿದ್ದಾರೆ ಎನ್ನುವ ಸುದ್ದಿ ಕಳೆದ ಕೆಲ ಸಮಯದಲ್ಲಿ ಹರಿದಾಡುತ್ತಿದೆ.
ರಶ್ಮಿಕಾ – ದೇವರಕೊಂಡ ಆತ್ಮೀಯವಾಗಿದ್ದು, ಇಬ್ಬರು ಅನೇಕ ಬಾರಿ ಜೊತೆಯಾಗಿಯೇ ಸುತ್ತಾಡಿಕೊಂಡಿರುವುದು ಸುದ್ದಿಯಾಗಿತ್ತು.
ಸದ್ಯ ರಶ್ಮಿಕಾ ʼಪುಷ್ಪ-2ʼ ಸಿನಿಮಾದ ಮೇಲೆ ಭಾರೀ ನಿರೀಕ್ಷೆಯನ್ನಿಟ್ಟುಕೊಳ್ಳಲಾಗಿದೆ. ದೇವರಕೊಂಡ ಇತ್ತೀಚೆಗೆ ʼಖುಷಿʼ ಸಿನಿಮಾದಲ್ಲಿ ಕಾಣಿಸಿಕೊಂಡಿದ್ದರು.
