ಸೋಂಕು ನಿವಾರಕ ಸುರಂಗ ಡೇಂಜರ್‌!: ಆಂಧ್ರಪ್ರದೇಶ ಸರಕಾರ

ಸೋಂಕು ನಿವಾರಕ ಸುರಂಗ ಅಥವಾ ಡಿಸ್‌ಇನ್‌ಫೆಕ್ಟೆಂಟ್‌ ಟನಲ್‌ ಮನುಷ್ಯನ ಆರೋಗ್ಯಕ್ಕೆ ಅಪಾಯಕಾರಿಯೇ? ಹೌದು, ಎನ್ನುತ್ತದೆ ಆಂಧ್ರಪ್ರದೇಶ ಸರಕಾರ. ಕೋವಿಡ್ 19 ವೈರಸ್ ಭೀತಿ ಹಬ್ಬುತ್ತಿದ್ದಂತೆಯೇ, 10 ಸಾವಿರದಿಂದ 1 ಲಕ್ಷ ರೂ.ವರೆಗೆ ಹಣ ಖರ್ಚು ಮಾಡಿ ಜನಭೇಟಿಯ ಪ್ರಮುಖ ಪ್ರದೇಶಗಳಲ್ಲಿ ಇಂಥ ಸುರಂಗಗಳನ್ನು ಸರಕಾರ ಸ್ಥಾಪಿಸಿತ್ತು.

ಆದರೆ, ಈಗ ಅದೇ ಸರಕಾರ ಜನರ ಹಿತಕ್ಕಾಗಿ ಯುಟರ್ನ್ ಹೊಡೆದಿದೆ. ಇದರ ರಾಸಾಯನಿಕ ಸಿಂಪಡಣೆ ಮನುಷ್ಯನ ಆರೋಗ್ಯ ಹಾನಿಗೆ ಕಾರಣವಾಗಿದ್ದು, ಇಂಥ ಸುರಂಗಗಳನ್ನು ಬಳಸದಂತೆ ಸರಕಾರ ಸುತ್ತೋಲೆ ಹೊರಡಿಸಿದೆ.

ವ್ಯಕ್ತಿ ಸುರಂಗ ಪ್ರವೇಶಿಸಿದಾಗ, ಆತನ ಮೇಲೆ ಸೋಡಿಯಂ ಹೈಪೋಕ್ಲೋರೈಟ್‌ನ ಹೊಗೆಯ ಸಿಂಪಡಣೆಗೊಳ್ಳುತ್ತದೆ. ಇದು ಉಸಿರಾಟದ ಸಮಸ್ಯೆ, ಚರ್ಮದ ಅಲರ್ಜಿಗೆ ಕಾರಣವಾಗುತ್ತದೆ. ಕೆಲವು ದಿನಗಳ ಹಿಂದೆ, ವಿಶ್ವ ಆರೋಗ್ಯ ಸಂಸ್ಥೆ ಕೂಡ ಇದೇ ಅಭಿಪ್ರಾಯವನ್ನೇ ವ್ಯಕ್ತಪಡಿಸಿತ್ತು.