Kalpeni Island: ಲಕ್ಷದ್ವೀಪದಲ್ಲಿ ಯುರೋಪ್‌ನ ಯುದ್ಧ ನೌಕೆ ಅವಶೇಷ ಪತ್ತೆ!

ಹೊಸದಿಲ್ಲಿ: ಲಕ್ಷದ್ವೀಪ ದ್ವೀಪಸಮೂಹದ ಕಲ್ಪೇನಿ ದ್ವೀಪದ ಬಳಿ ಯುರೋಪಿಯನ್‌ ಯುದ್ಧನೌಕೆಯ ಅವಶೇಷಗಳು ಪತ್ತೆಯಾಗಿವೆ.

ಅದು 17 ಅಥವಾ 18ನೇ ಶತಮಾನಕ್ಕೆ ಸೇರಿದ್ದು ಎಂದು ಅಂದಾಜಿಸಲಾಗಿದೆ. ಮುಳುಗು ತಜ್ಞರು ಸಮುದ್ರ ಜೀವಿಗಳನ್ನು ಅನ್ವೇಷಿಸುತ್ತಿದ್ದಾಗ ನೌಕೆಯ ಅವಶೇಷಗಳು ಪತ್ತೆಯಾಗಿವೆ.

ದ್ವೀಪದ ಪಶ್ಚಿಮ ಭಾಗದಲ್ಲಿ ಈ ಹಡಗು ಪತ್ತೆಯಾಗಿದ್ದು, ಯುರೋಪ್‌ನ ಪೋರ್ಚುಗೀಸ್‌, ಡಚ್‌ ಮತ್ತು ಬ್ರಿಟಿಷ್‌ ರಾಷ್ಟ್ರಗಳಿಗೆ ಸೇರಿದ್ದಾಗಿದೆ ಎಂದು ಸಂಶೋಧಕರು ಅಂದಾಜಿಸಿದ್ದಾರೆ. ಕಬ್ಬಿಣ ಮತ್ತು ಮರದಿಂದ ನಿರ್ಮಿಸಲಾಗಿರುವ ಈ ನೌಕೆಯು 50-60 ಮೀಟರ್‌ ಉದ್ದವಿದ್ದು, ಒಳಗೆ ಫಿರಂಗಿಯೂ ಇದೆ.