Kannada Cinema; ‘ಅಮೂಲ್ ಬೇಬಿ’ ಪೋಸ್ಟರ್ ಬಂತು

ಲವ್‌ ಕಂ ಕಾಮಿಡಿ ಕಥಾಹಂದರದ “ಅಮೂಲ್‌ ಬೇಬಿ’ ಸಿನಿಮಾದ ಪೋಸ್ಟರ್‌ ಇತ್ತೀಚೆಗೆ ಬಿಡುಗಡೆಯಾಯಿತು. ಕೆ. ಪಿ. ನವೀನ್‌ ಕುಮಾರ್‌ ಕಥೆ, ಚಿತ್ರಕಥೆ, ಸಂಭಾಷಣೆ, ಸಾಹಿತ್ಯ ಬರೆದು ಆ್ಯಕ್ಷನ್‌-ಕಟ್‌ ಹೇಳಿರುವ “ಅಮೂಲ್‌ ಬೇಬಿ’ ಸಿನಿಮಾವನ್ನು “ಮಾನಸ ಕಂಬೈನ್ಸ್‌’ ಬ್ಯಾನರ್‌ನಲ್ಲಿ ಬಿ. ನರಸಿಂಹಮೂರ್ತಿ ನಿರ್ಮಿಸುತ್ತಿದ್ದಾರೆ.

ಭಗತ್‌, ಶಿವ, ಆವಿನ್‌ ನಾಯಕರಾಗಿ ಕಾಣಿಸಿಕೊಂಡಿರುವ ಈ ಸಿನಿಮಾದಲ್ಲಿ ವಿದ್ಯಾ ಶಾಸ್ತ್ರೀ ನಾಯಕಿಯಾಗಿದ್ದಾರೆ. ಬೇಬಿ ರೀತುಸಿಂಗ್‌, ಪೂಜಿತ, ಪ್ರತಿಮ, ಮೈತ್ರಿ ಸತೀಶ್‌ ಮತ್ತಿತರರು ಸಿನಿಮಾದ ಇತರ ಪ್ರಮುಖ ಪಾತ್ರಗಳಲ್ಲಿ ಅಭಿನಯಿಸಿದ್ದಾರೆ.

ಸದ್ಯ ಸೆನ್ಸಾರ್‌ ಪಾಸ್‌ ಆಗಿರುವ”ಅಮೂಲ್‌ ಬೇಬಿ’ ಸಿನಿಮಾವನ್ನು ಮಾರ್ಚ್‌ ವೇಳೆಗೆ ತೆರೆಗೆ ತರುವ ಪ್ಲಾನ್‌ನಲ್ಲಿದೆ.