ಉಗ್ರ ದಾಳಿ ಬೆಂಬಲಿಸಿ ಪೋಸ್ಟ್‌ :AMU ವಿದ್ಯಾರ್ಥಿ ವಿರುದ್ಧ FIR 

ಹೊಸದಿಲ್ಲಿ: ಆವಂತಿಪೋರಾದಲ್ಲಿ  ಆತ್ಮಾಹುತಿ ದಾಳಿಗೈದು 42 ಯೋಧರ ಬಲಿ ಪಡೆದ ಉಗ್ರರ ಪೈಶಾಚಿಕ ಕೃತ್ಯವನ್ನು ಬೆಂಬಲಿಸಿ ಟ್ವೀಟ್‌ ಮಾಡಿದ ಅಲಿಗಢ ಮುಸ್ಲಿಂ ವಿಶ್ವವಿದ್ಯಾಲಯದ ವಿದ್ಯಾರ್ಥಿಯೊಬ್ಬನ ವಿರುದ್ಧ ಎಫ್ಐಆರ್‌ ದಾಖಲಿಸಲಾಗಿದೆ. 

ಬಾಸಿಮ್‌ ಹಿಲಾಲ್‌ ಎಂಬ ವಿದ್ಯಾರ್ಥಿ ಜೈಶ್‌  ಎ ಮೊಹಮ್ಮದ್‌ ಉಗ್ರರ  ಕೃತ್ಯವನ್ನು ಪ್ರಶಂಸಿದ್ದಾನೆ. ವಿಚಾರ ಗಮನಕ್ಕೆ ಬರುತ್ತಿದ್ದಂತೆ ಆತನನ್ನು ವಿವಿ ಸಂಸ್ಪೆಂಡ್‌ ಮಾಡಿದೆ. 

ಹಿಲಾಲ್‌ ಬಿಎಸ್‌ಸಿ ವಿದ್ಯಾರ್ಥಿಯಾಗಿದ್ದು, ಜಮ್ಮ ಮತ್ತು ಕಾಶ್ಮೀರ ಮೂಲದವನಾಗಿದ್ದಾನೆ. 

ಹಿಲಾಲ್‌ ವಿರುದ್ದ  ಐಪಿಸಿ ಸೆಕ್ಷನ್‌ 153 ಎ ಮತ್ತು 67 ಎ ಮತ್ತು ಐಟಿ ಕಾಯಿದೆ ಅಡಿ ಪ್ರಕರಣ ಗಳನ್ನು ದಾಖಲಿಸಲಾಗಿದೆ. 

ಟ್ವೀಟ್‌ ವೈರಲ್‌ ಆಗುತ್ತಿದ್ದಂತೆ ವ್ಯಾಪಕ ಆಕ್ರೋಶ ವ್ಯಕ್ತವಾಗಿದೆ, ಕೂಡಲೆ ಹಿಲಾಲ್‌ ಟ್ವೀಟರ್‌ ಖಾತೆಯನ್ನೇ ಡಿಲಿಟ್‌ ಮಾಡಿದ್ದಾನೆ.