Amparu: ಸ್ಕೂಟಿಗೆ ಕಾರು ಢಿಕ್ಕಿ; ಸವಾರ ಗಂಭೀರ

ಸಿದ್ದಾಪುರ: ರಾಜ್ಯ ಹೆದ್ದಾರಿಯ ಅಂಪಾರು ಗ್ರಾಮದ ದಾಸನಮಕ್ಕಿ ಬಳಿ ಅ.13ರಂದು ಅತಿ ವೇಗವಾಗಿ ಬಂದ ಕಾರು, ವಾಹನ ಓವರ್‌ಟೇಕ್‌ ಭರದಲ್ಲಿ ಎದುರಿನಿಂದ ಹೋಗುತ್ತಿರುವ ಸ್ಕೂಟಿಗೆ ಢಿಕ್ಕಿ ಹೊಡೆದಿದೆ.

ಸ್ಕೂಟರ್‌ ಸವಾರ ಕರುಣಾಕರ ಶೆಟ್ಟಿ ಗಂಭೀರವಾಗಿ ಗಾಯಗೊಂಡು, ಉಡುಪಿ ಖಾಸಗಿ ಆಸ್ಪತ್ರೆಯಲ್ಲಿ ದಾಖಲಾಗಿದ್ದಾರೆ.

ಈ ಬಗ್ಗೆ ಅಂಪಾರು ಗ್ರಾಮದ ಬಲಾಡಿ ಜಡಗಡಿನಬೈಲು ರಜತ್‌ ಶೆಟ್ಟಿ ನೀಡಿದ ದೂರಿನಂತೆ ಶಂಕರನಾರಾಯಣ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.