ಕೆಬಿಸಿ ಚಿತ್ರೀಕರಣ ಆರಂಭಿಸಿದ ಅಮಿತಾಭ್‌

ಮುಂಬಯಿ: ಇತ್ತೀಚೆಗಷ್ಟೇ ಕೋವಿಡ್ ಸೋಂಕಿನಿಂದ ಗುಣಮುಖರಾದ ಮೆಗಾಸ್ಟಾರ್‌ ಅಮಿತಾಭ್‌ ಬಚ್ಚನ್‌ ಅವರು ಈಗ ಕೌನ್‌ ಬನೇಗಾ ಕರೋಡ್‌ಪತಿ(ಕೆಬಿಸಿ)ಯ 12ನೇ ಆವೃತ್ತಿಯ ಚಿತ್ರೀಕರಣದಲ್ಲಿ ತೊಡಗಿದ್ದಾರೆ. ಈ ಕುರಿತು ಅವರೇ ಮಾಹಿತಿ ನೀಡಿದ್ದು, ಎಲ್ಲ ಮುನ್ನೆಚ್ಚರಿಕೆಗಳೊಂದಿಗೆ ಶೂಟಿಂಗ್‌ ಆರಂಭಿಸಿರುವುದಾಗಿ ತಿಳಿಸಿದ್ದಾರೆ.

ಮಾರ್ಚ್‌ ಬಳಿಕ ಇದೇ ಮೊದಲ ಬಾರಿಗೆ ಕೆಬಿಸಿ ಸೆಟ್‌ಗೆ ಭೇಟಿ ಕೊಟ್ಟ ಬಿಗ್‌ಬಿ, ಪಿಪಿಇ ಕಿಟ್‌ ಧರಿಸಿಕೊಂಡ ಕನಿಷ್ಠ ಸಂಖ್ಯೆಯ ಸಿಬ್ಬಂದಿಯೊಂದಿಗೆ ಚಿತ್ರೀಕರಣದಲ್ಲಿ ಪಾಲ್ಗೊಳ್ಳುತ್ತಿರುವ ಅನುಭವವನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದಾರೆ.

ಮೌನ, ಪ್ರಜ್ಞೆ, ಮುನ್ನೆಚ್ಚರಿಕೆ, ಶಾರೀರಿಕ ಅಂತರ, ಮಾಸ್ಕ್, ಸ್ಯಾನಿಟೈಸರ್‌… ಇವೆಲ್ಲವೂ ಕೇವಲ ಕೆಬಿಸಿ ಶೋ ಹೇಗಿರಬ ಹುದು ಎಂಬ ಬಗ್ಗೆ ಮಾತ್ರವಲ್ಲ, ಕೊರೊನೋತ್ತರ ಪ್ರಪಂಚ ಹೇಗಿರುತ್ತದೆ ಎಂಬುದನ್ನು ತೋರಿಸಿಕೊಟ್ಟಿದೆ ಎಂದು ಬಿಗ್‌ಬಿ ಬರೆದುಕೊಂಡಿದ್ದಾರೆ. ಈಗ ಚಿತ್ರೀಕರಣದ ಸ್ಥಳವು ಹೇಗಿದೆ ಯೆಂದರೆ, ಯಾವುದೋ ಗಂಭೀರ ವೈಜ್ಞಾನಿಕ ಸಂಶೋಧನೆ ನಡೆಯುತ್ತಿರುವಂತಹ ಪ್ರಯೋಗಾಲಯದಂತೆ ಗೋಚರಿಸು ತ್ತಿದೆ. ನಾನಿದನ್ನು ನಿರೀಕ್ಷಿಸಿಯೇ ಇರಲಿಲ್ಲ. ಆದರೆ, ಪರಿಸ್ಥಿತಿ ಎಲ್ಲವನ್ನೂ ಬದಲಿಸಿದೆ ಎಂದಿದ್ದಾರೆ ಅಮಿತಾಭ್‌.