ಬೆಂಗಳೂರು-ಸೀಟೆಲ್‌ ನಡುವೆ ವಿಮಾನ ಸೇವೆ

ಹೊಸದಿಲ್ಲಿ: ಅಮೆರಿಕನ್‌ ಏರ್‌ಲೈನ್ಸ್‌ ಸಂಸ್ಥೆಯು ಇದೇ ಅಕ್ಟೋಬರ್‌ನಿಂದ ಬೆಂಗಳೂರು-ಸೀಟೆಲ್‌ ನಗರಗಳ ನಡುವೆ ವಿಮಾನ ಸಂಚಾರ ಸೇವೆ ಆರಂಭಿಸುವುದಾಗಿ ಪ್ರಕಟಿಸಿದೆ.

ಸೀಟೆಲ್‌-ಬೆಂಗಳೂರು ನಡುವಿನ ಮೊದಲ ಮೊದಲ ವಿಮಾನಯಾನದ ಮುಂಗಡ ಟಿಕೆಟ್‌ ಬುಕ್ಕಿಂಗ್‌ ಸೇವೆಯನ್ನು ಈ ಮಾಸಾಂತ್ಯಕ್ಕೆ ಶುರು ಮಾಡಲಾಗುವುದು ಎಂದು ಕಂಪೆನಿ ಹೇಳಿದೆ.

ಈ ಸೇವೆಯ ಮೂಲಕ ಭಾರತದ ನಾಗರಿಕರಿಗೆ ಸೀಟೆಲ್‌ ನಗರ ತಲುಪಿ, ಅಲ್ಲಿಂದ ಅಮೆರಿಕದ 70 ನಗರಗಳಿಗೆ ಪ್ರಯಾಣ ಬೆಳೆಸುವ ಅನುಕೂಲ ಸಿಗಲಿದೆ ಎಂದು ಸಂಸ್ಥೆಯ ಹಿರಿಯ ಉಪಾಧ್ಯಕ್ಷ ವಾಸು ರಾಜಾ ತಿಳಿಸಿದ್ದಾರೆ.