ಹಿಮಾಚಲ ಪ್ರದೇಶ: ಅಂಬುಲೆನ್ಸ್‌ ನೌಕರರ ಮುಷ್ಕರ 5ನೇ ದಿನಕ್ಕೆ

ಶಿಮ್ಲಾ :  ಹಿಮಾಚಲ ಪ್ರದೇಶದ 12 ಜಿಲ್ಲೆಗಳ ಪೈಕಿ 11 ಜಿಲ್ಲೆಗಳಲ್ಲಿ ಎಸ್ಮಾ ವಿಧಿಸಿರುವ ಹೊರತಾಗಿಯೂ ರಾಜ್ಯದಲ್ಲಿ ಅಂಬುಲೆನ್ಸ್‌ ಕಾರ್ಮಿಕರ ಮುಷ್ಕರ ಐದನೇ ದಿನಕ್ಕೆ ಕಾಲಿಟ್ಟಿದ್ದು ಅಂಬುಲೆನ್ಸ್‌ ಸೇವೆ ತೀವ್ರವಾಗಿ ಬಾಧಿತವಾಗಿದೆ.

ರೋಗಿಗಳಿಗೆ ಅನನುಕೂಲತೆ ಉಂಟಾಗುವುದನ್ನು ತಪ್ಪಿಸಲು ಪರ್ಯಾಯ ಅಂಬುಲೆನ್ಸ್‌ ಸೇವೆಯನ್ನು ತಾನು ಕಲ್ಪಿಸಿರುವುದಾಗಿ ರಾಜ್ಯ ಸರಕಾರ ಹೇಳಿಕೊಂಡಿದೆ. 

102 ಮತ್ತು 108 ಅಂಬುಲೆನ್ಸ್‌ ಸೇವೆ ಒದಗಿಸುತ್ತಿರುವ ಜಿವಿಕೆ ಇಎಂಆರ್‌ಐ ಸಂಸ್ಥೆಯ ಅನೇಕ ನೌಕರರು ಕಳೆದ ಸೋಮವಾರದಿಂದ ಮುಷ್ಕರ ನಡೆಸುತ್ತಿದ್ದಾರೆ. ದೀರ್ಘ‌ ತಾಸುಗಳ ಕೆಲಸಕ್ಕೆ ತಮಗೆ ಸೂಕ್ತ ಸಂಭಾವನೆಯನ್ನು ನೀಡಲಾಗುತ್ತಿಲ್ಲ ಎಂಬುದು ಇವರ ದೂರಾಗಿದೆ.