ಅಂಬಿ ಕಂಡು ಬಿಕ್ಕಿ ಬಿಕ್ಕಿ ಅತ್ತ ಮೋಹನ್‌ಬಾಬು

ತೆಲುಗು ನಟ ಮೋಹನ್‌ಬಾಬು ಮತ್ತು ಅಂಬರೀಷ್‌ ಅವರ ಗೆಳೆತನ ಹಲವು ದಶಕಗಳದ್ದು. ಅಂಬರೀಷ್‌ ಅವರ ಮನೆಯ ಯಾವುದೇ ಸಮಾರಂಭವಿರಲಿ, ಅಲ್ಲಿ ಮೋಹನ್‌ಬಾಬು ಹಾಜರಾಗುತ್ತಿದ್ದರು. ಪರಸ್ಪರ ಅದೆಷ್ಟೋ ಖುಷಿಯ ವಿಷಯಗಳನ್ನು ಹಂಚಿಕೊಳ್ಳುತ್ತಿದ್ದರು.

ಅಂಬರೀಷ್‌ ಅವರ ಗೆಳೆತನ ಬಗ್ಗೆ ಸಾಕಷ್ಟು ಸಲ ಹೇಳಿಕೊಳ್ಳುತ್ತಿದ್ದ ಮೋಹನ್‌ಬಾಬು, ಇಂದು ಅಂಬರೀಷ್‌ ಅವರ ಮುಖ ನೋಡುತ್ತಿದ್ದಂತೆಯೇ, ಬಿಕ್ಕಿ ಬಿಕ್ಕಿ ಅತ್ತರು. ದುಃಖ ತಡೆಯಲಾರದೆ, ಅಂಬರೀಷ್‌ ಅವರ ಪುತ್ರ ಅಭಿಷೇಕ್‌ ಅವರನ್ನು ತಬ್ಬಿ ಜೋರಾಗಿ ಅಳುವ ಮೂಲಕವೇ ಅಭಿಷೇಕ್‌ ಅವರಿಗೆ ಸಾಂತ್ವನ ಹೇಳಿದರು.

ಕ್ಷಣಕಾಲ ಮೌನಗೊಂಡು, ಅಂಬರೀಷ್‌ ಅವರ ಮುಖವನ್ನೇ ದಿಟ್ಟಿಸಿ ನೋಡುತ್ತಿದ್ದರು. ತಮ ಹಿಂದಿನ ಹಳೆಯ ನೆನಪುಗಳನ್ನು ಮೆಲುಕು ಹಾಕಿದ ಮೋಹನ್‌ಬಾಬು, ಒಳ್ಳೆಯ ಹೃದಯವಂತನನ್ನು ಕಳೆದುಕೊಂಡೆ ಎಂದು ದುಃಖ ತೋಡಿಕೊಂಡರು.