Advertisement
ಮಂಗಳವಾರ ಪತ್ರಿಕಾಗೋಷ್ಠಿ ನಡೆಸಿದ ಅವರು, ಕೇಂದ್ರ ಗೃಹ ಸಚಿವ ಅಮಿತ್ ಶಾ ಹೇಳಿಕೆಯನ್ನು ಮುಂದಿಟ್ಟುಕೊಂಡು ಕೆಲ ಸಂಘಟನೆಗಳು ಹೋರಾಟ ನಡೆಸುತ್ತಿವೆ. ನಿಧಾನಿಸಿ ಯೋಚಿಸಿದಾಗ ನಿಜ ತಿಳಿಯುತ್ತದೆ. ಅಮಿತ್ ಶಾ ಹೇಳಿಕೆಯಿಂದ ಕಾಂಗ್ರೆಸ್‌ನ ಮುಖವಾಡ ಕಳಚಿದೆ. ಈ ಸತ್ಯಾಂಶ ಎಲ್ಲರೂ ಅರಿಯಬೇಕು ಎಂದರು.
ಅಂಬೇಡ್ಕರ್ ಹುಟ್ಟಿದ ಸ್ಥಳ, ಓದಿದ ಲಂಡನ್‌ ಸ್ಕೂಲ್‌ ಆಫ್ ಎಕನಾಮಿಕ್ಸ್‌, ದೆಹಲಿಯಲ್ಲಿ ಪ್ರವಾಸವಿದ್ದ ಜಾಗ, ನಾಗಪುರದಲ್ಲಿ ಬೌದ್ಧ ಧರ್ಮ ಸ್ವೀಕರಿಸಿದ ಜಾಗ, ಅಂತ್ಯಕ್ರಿಯೆ ಆದ ಜಾಗಗಳನ್ನು ಅಂತಾರಾಷ್ಟ್ರೀಯ ಸ್ಮಾರಕಗಳನ್ನಾಗಿ ಮಾಡಿ, ದೇಶಕ್ಕೆ ಮಾದರಿಯಾಗಿ ಗೌರವಿಸಿದ್ದು ಬಿಜೆಪಿ. ಕರ್ನಾಟಕದಲ್ಲಿ ಅಂಬೇಡ್ಕರ್ ಪಾದಸ್ಪರ್ಶ ಮಾಡಿದ ಕೋಲಾರದ ಕೆಜಿಎಫ್, ಬೆಂಗಳೂರು, ಹಾಸನ, ಧಾರವಾಡ, ಚಿಕ್ಕೋಡಿ ಮತ್ತು ಬೆಳಗಾವಿ, ವಿಜಯಪುರ ಹಾಗೂ ಕಲಬುರಗಿಯ ವಾಡಿಯನ್ನು ಪುಣ್ಯಕ್ಷೇತ್ರ ಮಾಡಲು ಬೊಮ್ಮಾಯಿ 10 ಕೋಟಿ ರೂ. ಬಿಡುಗಡೆ ಮಾಡಿದ್ದರು. ಆದರೂ ಈ ಸರ್ಕಾರ ಏನೂ ಮಾಡಿಲ್ಲ. ಏಕೆ? ಎಂದು ಪ್ರಶ್ನಿಸಿದರು.
Related Articles
Advertisement
ಅಮಿತ್ ಶಾ ಅವರ ಮಾತಿನಿಂದ ಅವಮಾನ ಆಗಿದ್ದರೆ ಅದು ಕಾಂಗ್ರೆಸಿಗರಿಗೆ ಮಾತ್ರ. ಅವರ ಮುಖವಾಡ ಕಳಚಿದ್ದನ್ನು ಸಹಿಸಲಾರದ ಸ್ಥಿತಿಗೆ ಹೋಗಿದ್ದಾರೆ. ಇದರಲ್ಲಿ ಸಂಘಟನೆಗಳು ಕುಪಿತರಾಗುವ ಆವಶ್ಯಕತೆ ಏನಿದೆ? ಇದೆಲ್ಲವೂ ಕಾಂಗ್ರೆಸಿಗರ ಹೊಲಸುತನ ತೋರುತ್ತಿದೆ. ನಿಮಗೆ ಪಾಪಪ್ರಜ್ಞೆ ಇದ್ದರೆ ದೇಶದ ಕ್ಷಮೆ ಕೇಳಿ. ಅಂಬೇಡ್ಕರ್ ಅವರಿಗೆ ಮಾಡಿದ ಅನ್ಯಾಯಕ್ಕೆ ದೇವರ ಹೆಸರು ಹೇಳಿಯಾದರೂ ಪುಣ್ಯ ಕಟ್ಟಿಕೊಳ್ಳಿ. ಅಮಿತ್ ಶಾ ಮಾತು ಪಾಲಿಸಿ ಎಂದರು.