ಅಮೆಜಾನ್‌ ಉಪಕಾರ ಮಾಡುತ್ತಿಲ್ಲ: ಪಿಯೂಷ್‌ ಗೋಯಲ್‌

ಹೊಸದಿಲ್ಲಿ: ಭಾರತದಲ್ಲಿ 7 ಸಾವಿರ ಕೋಟಿ ರೂ. ಹೂಡಿಕೆ ಮಾಡುವ ಮೂಲಕ ಅಮೆಜಾನ್‌ ಉಪಕಾರ ಮಾಡುತ್ತಿಲ್ಲ ಎಂದು ಕೇಂದ್ರ ಕೈಗಾರಿಕೆ ಮತ್ತು ವಾಣಿಜ್ಯ ಸಚಿವ ಪಿಯೂಷ್‌ ಗೋಯಲ್‌ ತಿಳಿಸಿದ್ದಾರೆ. ಇ ಕಾಮರ್ಸ್‌ ಜಾಲತಾಣ ದೇಶದ ಕಾನೂನುಗಳನ್ನು ಪಾಲನೆ ಮಾಡಬೇಕು.

ಅವರು ಕಾನೂನುಗಳಲ್ಲಿ ಇರುವ ಲೋಪಗಳನ್ನು ಕಂಡುಕೊಂಡು, ಅದರ ಲಾಭ ಪಡೆಯುವಂತಿಲ್ಲ ಎಂದಿದ್ದಾರೆ. ಬಹು ಬ್ರಾಂಡ್‌ ಕ್ಷೇತ್ರದಲ್ಲಿ ಶೇ.49ನ್ನು ಮೀರದಂತೆ ಹೂಡಿಕೆಗೆ ಮಾತ್ರ ಅವಕಾಶ ಇದೆ. ದೇಶದಲ್ಲಿ ನಷ್ಟ ಹೊಂದುವುದಿದ್ದರೆ ಅಮೆಜಾನ್‌ ಬಹುಕೋಟಿ ಮೊತ್ತದ ಹೂಡಿಕೆ ಬಗ್ಗೆ ಘೋಷಣೆ ಮಾಡುತ್ತಿತ್ತೇ ಎಂದು ಪ್ರಶ್ನಿಸಿದ್ದಾರೆ.