ನೇಪಾಲದಿಂದ ಎಲ್ಲ ಅಮರನಾಥ ಯಾತ್ರಿಕರ ಸುರಕ್ಷಿತ ಸ್ಥಳಾಂತರ

ಕಾಠ್ಮಂಡು : ಟಿಬೆಟ್‌ನಲ್ಲಿನ ಕೈಲಾಸ ಮಾನಸ ಸರೋವರ ದಿಂದ ಮರಳುವಾಗ ಪ್ರತಿಕೂಲ ಸ್ಥಿತಿಯಲ್ಲಿ ಸಿಲುಕಿಕೊಂಡಿದ್ದ  ಎಲ್ಲ 1,430 ಭಾರತೀಯ ಯಾತ್ರಿಕರನ್ನು ವಿಮಾನ ಮೂಲಕ ಸುರಕ್ಷಿತವಾಗಿ ಸ್ಥಳಾಂತರಿಸಲಾಗಿದೆ. 

ಕೊನೇ ತಂಡದಲ್ಲಿದ್ದ 160 ಯಾತ್ರಿಕರನ್ನು ಇಂದು ಹಿಲ್ಸಾ ಮತ್ತು ಸಿಮಿಕೋಟ್‌ ಜಿಲ್ಲೆಗಳಿಂದ ನೇಪಾಲ್‌ಗ‌ಂಜ್‌ ಮತ್ತು ಸುರಖೇತ್‌ಗೆ ಕರೆತರಲಾಯಿತು. ಈ ಎರಡು ಪಟ್ಟಣಗಳು ಭಾರತೀಯ ಗಡಿಗೆ ಸನಿಹದಲ್ಲಿದ್ದು ಇಲ್ಲಿ ಯಾತ್ರಿಕರಿಗೆ ಉತ್ತಮ ವೈದ್ಯಕೀಯ ಮತ್ತು ಮೂಲ ಸೌಕರ್ಯಗಳು ಇವೆ ಎಂದು ವಕ್ತಾರರು ತಿಳಿಸಿದ್ದಾರೆ. 

ಭಾರತೀಯ ದೂತಾವಾಸದ ತಂಡವು ಈ ಎರಡು ಪಟ್ಟಣಗಳಲ್ಲಿ ಇದ್ದು ಯಾತ್ರಿಕರು ಹಾಗೂ ಅವರಿಗೆ ಅವಶ್ಯವಿರುವ ಸೌಕರ್ಯಗಳ ಬಗ್ಗೆ ನಿಗಾ ವಹಿಸುತ್ತಿದೆ.