ಬೆಂಗಳೂರು: ಹ್ಯಾಪಿಯಾಗಿದೆ ಹ್ಯಾಪಿಯಾಗಿದೆ, ಯಾಕಿಂಗೆ ಮಗ ಯಾಕಿಂಗೆ ಎಂಬಿತ್ಯಾದಿ ಸಾಲುಗಳ ಮೂಲಕ ಕನ್ನಡ ರ್ಯಾಪ್ ಅಭಿಮಾನಿಗಳ ಮನತಣಿಸಿದ ಕನ್ನಡ ರ್ಯಾಪರ್ ಅಲೋಕ್ ಹೊಸ ವರ್ಷಕ್ಕೆ ಬಿಗ್ ಗಿಫ್ಟ್ ಕೊಟ್ಟಿದ್ದಾರೆ.
ಇತ್ತೀಚೆಗಷ್ಟೆ ಹ್ಯಾಪಿ ಎಂಬ ಶೀರ್ಷಿಕೆಯಲ್ಲಿ ಹಾಡೊಂದನ್ನು ಇವರು ಹೊರತಂದಿದ್ದು ಈ ಆಡಿಯೋ ಹಾಡು ಭಾರಿ ಯಶಸ್ಸನ್ನು ಗಳಿಸಿಕೊಂಡಿತ್ತು. ಇದೀಗ ಕ್ರೇಜಿ ಶೀರ್ಷಿಕೆ ಯಲ್ಲಿ ಹೊಸ ಹಾಡೊಂದನ್ನು ರೂಪಿಸಲಾಗಿದ್ದು, ಇಂದು ಯೂಟ್ಯೂಬ್ ನಲ್ಲಿ ಬಿಡುಗಡೆಗೊಳ್ಳುವ ಮೂಲಕ ಭಾರಿ ಸದ್ದು ಮಾಡುತ್ತಿದೆ.
ಇದನ್ನೂ ಓದಿ:ಹೊಸ ವರ್ಷಾಚರಣೆಗೆ ನೈಟ್‌ ಕರ್ಫ್ಯೂ ಕಾರ್ಮೋಡ
ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಅವರ ಹಿನ್ನೆಲೆ ಧ್ವನಿಯಿಂದ ಆರಂಭಗೊಳ್ಳುವ ಈ ಹಾಡು ಕ್ರೇಜಿ ಹುಡುಗ ಮತ್ತು ಹುಡುಗಿಯರನ್ನು ವೈಮರೆತು ಕುಣಿಸುವಂತೆ ಮಾಡುತ್ತದೆ. ಹಾಡಿನಲ್ಲಿ ಮಧ್ಯಮ ವರ್ಗದ ಹುಡುಗರ ಕಲರ್ ಫುಲ್ ಬದುಕನ್ನು ಅನಾವರಣಗೊಳಿಸಿದ್ದು, ಎಂಥವರೂ ಕೂಡಾ ಒಂದೆರಡು ಸ್ಟೆಪ್ ಹಾಕಿಬಿಡೋಣ ಎಂದು ಅಂದುಕೊಳ್ಳುವುದರಲ್ಲಿ ಅನುಮಾನವಿಲ್ಲ.
ಹಾಡಿನ ಸಾಹಿತ್ಯ, ಪರಿಕಲ್ಪನೆ,ನಿರ್ದೇಶನ ಹಾಗೂ ನಿರ್ಮಾಣವನ್ನು ALL OK ಅವರೆ ಮಾಡಿದ್ದು, ತೆರೆ ಮೇಲೆ ಕೂಡಾ ಮಿಂಚಿದ್ದಾರೆ. ಹಾಡಿನಲ್ಲಿ ಕ್ಯಾಮರಾ ವರ್ಕ್ ಅದ್ಭುತವಾಗಿ ಮೂಡಿಬಂದಿದ್ದು, ಛಾಯಾಗ್ರಹಣದ ಜವಾಬ್ದಾರಿಯನ್ನು ಅರ್ಜುನ್ ಮತ್ತು ಕಿರಣ್ ವಹಿಸಿಕೊಂಡಿದ್ದಾರೆ. ಇನ್ನು ಸಂಕಲನವನ್ನು ಆಕಾಶ್ ಆರ್ ಜೆ ಅವರು ಅಚ್ಚುಕಟ್ಟಾಗಿ ನಿರ್ವಹಿಸಿದ್ದಾರೆ.
