Alexander Zverev ರೋಮನ್‌ ಕಿಂಗ್‌: ಜೆರ್ರಿ ವಿರುದ್ಧ 6-4, 7-5 ಜಯ

ರೋಮ್‌: ಜರ್ಮನಿಯ ಅಲೆಕ್ಸಾಂಡರ್‌ ಜ್ವೆರೇವ್‌ ಎರಡನೇ ಸಲ ಇಟಾಲಿಯನ್‌ ಓಪನ್‌ ಟೆನಿಸ್‌ ಪ್ರಶಸ್ತಿಯನ್ನೆತ್ತಿ ದ್ದಾರೆ. ಫೈನಲ್‌ನಲ್ಲಿ ಅವರು ಚಿಲಿಯ ನಿಕೋಲಸ್‌ ಜೆರ್ರಿ ವಿರುದ್ಧ 6-4, 7-5 ಅಂತರದ ಗೆಲುವು ಸಾಧಿಸಿದರು. ಇದು ಜೆರ್ರಿ ಕಂಡ ಮೊದಲ ಮಾಸ್ಟರ್ ಫೈನಲ್‌ ಆಗಿತ್ತು.

ಅಲೆಕ್ಸಾಂಡರ್‌ ಜ್ವೆರೇವ್‌ ಇದಕ್ಕೂ ಮುನ್ನ 2017ರಲ್ಲಿ ಇಟಾಲಿಯನ್‌ ಓಪನ್‌ ಪ್ರಶಸ್ತಿ ಜಯಿಸಿದ್ದರು. ಆಗ ಅವರಿಗೆ ಕೇವಲ 20 ವರ್ಷ ಆಗಿತ್ತು. ಈ ಸಾಧನೆಯೊಂದಿಗೆ ಅಲೆಕ್ಸಾಂಡರ್‌ ಜ್ವೆರೇವ್‌ ಫ್ರೆಂಚ್‌ ಓಪನ್‌ ಆಗಮನದ ಹೊತ್ತಿಗೆ ನಿಧಾನವಾಗಿ ಫಾರ್ಮ್ಗೆ ಮರಳಿದ ಸೂಚನೆ ನೀಡಿದ್ದಾರೆ. ರ್‍ಯಾಂಕಿಂಗ್‌ನಲ್ಲೂ 4ನೇ ಸ್ಥಾನಕ್ಕೆ ಏರಿದ್ದಾರೆ. ಇದು ಜ್ವೆರೇವ್‌ಗೆ ಒಲಿದ 6ನೇ ಮಾಸ್ಟರ್ ಪ್ರಶಸ್ತಿ.

ತವರಿನ ಆಟಗಾರ್ತಿಯರಿಗೆ ಪ್ರಶಸ್ತಿ
ವನಿತಾ ಡಬಲ್ಸ್‌ ಪ್ರಶಸ್ತಿ ತವರಿನ ಸಾರಾ ಎರಾನಿ-ಜಾಸ್ಮಿನ್‌ ಪೌಲಿನಿ ಪಾಲಾಗಿದೆ. ಶ್ರೇಯಾಂಕ ರಹಿತರಾದ ಇವರು ಕೊಕೊ ಗಾಫ್-ಎರಿನ್‌ ರೌಟಿಫ್ ವಿರುದ್ಧ 6-3, 4-6, 10-8 ಅಂತರದ ರೋಚಕ ಜಯ ಸಾಧಿಸಿದರು.