ದುಬಾರಿಯಾದ ‘ಅಕ್ಕಿ’ಸಿನಿಮಾ ಸಂಭಾವನೆ: ಕಿಲಾಡಿ ಒಂದು ಸಿನಿಮಾದ ಫೀಸ್ ಎಷ್ಟು ಗೊತ್ತಾ?

ಮುಂಬೈ: ಬಾಲಿವುಡ್ ನ ಬಹುಬೇಡಿಕೆಯ ನಟ ಅಕ್ಷಯ ಕುಮಾರ್ ಒಂದಲ್ಲಾ ಒಂದು ಸುದ್ದಿಯೊಂದಿಗೆ ಗುರುತಿಸಿಕೊಳ್ಳುತ್ತಿರುತ್ತಾರೆ. ಇದೀಗ  ತಮ್ಮ ಸಂಭಾವನೆಯ ವಿಷಯದಲ್ಲಿ ಭಾರಿ ಸುದ್ದಿಯಲ್ಲಿದ್ದಾರೆ. ಇದೀಗ  ಅವರು 2022ರಲ್ಲಿ ಬಿಡುಗಡೆಗೊಳ್ಳಲಿರುವ ತಮ್ಮ ಸಿನಿಮಾಗಳಿಗೆ ಸಂಭಾವನೆಯ ಮೊತ್ತವನ್ನು ಬರೊಬ್ಬರಿ 135  ಕೋಟಿಗೆ ಹೆಚ್ಚಿಸಿಕೊಂಡಿದ್ದಾರೆ.

ವರ್ಷವಿಡಿ ಒಂದೇ ಒಂದು ದಿನವೂ ಬಿಡುವಿಲ್ಲದೆ ಸದಾ ಸಿನಿಮಾ ಕೆಲಸದಲ್ಲಿರುವ ನಟ ಅಕ್ಷಯ್ ಕುಮಾರ್ ಮುಂಬರುವ 2021 ರ ಸಿನಿಮಾವಷ್ಟೇ ಅಲ್ಲದೆ 2022 ರ ಸಿನಿಮಾಗಳಿಗೂ ತಯಾರಿ ನಡೆಸುತ್ತಿದ್ದರಂತೆ. ಕಳೆದ ಲಾಕ್ ಡೌನ್ ಅವಧಿಯಲ್ಲಿಯೂ ಹಲವಾರು ಸಿನಿಮಾಗಳಲ್ಲಿ ಬ್ಯೂಸಿ ಆಗಿದ್ದ ನಟ, ಈ ಸಮಯದಲ್ಲಿಯೇ ತಮ್ಮ ಸಂಭಾವನೆಯ ಮೊತ್ತವನ್ನು 99 ಕೋಟಿ ಯಿಂದ 117 ಕೋಟಿಗಳಿಗೆ ಹೆಚ್ಚಿಸಿಕೊಂಡಿದ್ದರು ಎಂದು ವರದಿಯಾಗಿದೆ.

ಇದನ್ನೂ ಓದಿ:100ನೇ ಕಿಸಾನ್ ರೈಲು ಸಂಚಾರಕ್ಕೆ ಪ್ರಧಾನಿ ಮೋದಿ ಚಾಲನೆ: ರೈತರ ಆದಾಯ ಹೆಚ್ಚಳಕ್ಕೆ ಕ್ರಮ

ನಟ  ಅಕ್ಷಯ್ ಕುಮಾರ್ ಅವರು ತಮ್ಮ ನಟನೆಯ ಪ್ರತೀ ಸಿನಿಮಾ ಬಿಡುಗಡೆಗೊಂಡ ಬಳಿಕ ಸಿನಿಮಾದ ಯಶಸ್ಸಿಗೆ ತಕ್ಕಂತೆ ಮುಂದಿನ ಸಿನಿಮಾದ ನಟನೆಗೆ ತಮ್ಮ ಸಂಭಾವನೆಯನ್ನು ಹೆಚ್ಚಿಸುತ್ತಾ ಬಂದಿದ್ದಾರೆ.

ಅಕ್ಷಯ ಕುಮಾರ್ ಅವರ  ಅದ್ಭುತ ನಟನೆಗೆ ಸಿನಿ ರಸಿಕರು ಮಾರು ಹೋಗಿದ್ದು, ಈ ಹಿನ್ನೆಲೆಯಲ್ಲಿ ಇತ್ತೀಚಿನ ದಿನಗಳಲ್ಲಿ ಪ್ರತಿಯೊಬ್ಬ ನಿರ್ಮಾಪಕರು ತಮ್ಮ ಸಿನಿಮಾಗಳಲ್ಲಿ ಅಕ್ಷಯ್ ಕುಮಾರ್ ಅವರ ನಟನೆ ಇರಬೇಕೆಂದು ಬಯಸುತ್ತಿದ್ದಾರೆ ಹಾಗೂ ಕೇಳಿದಷ್ಟು ಸಂಭಾವನೆಯನ್ನು ನೀಡಲು ತಯಾರಾಗಿದ್ದಾರೆ ಎಂದು ತಿಳಿದು ಬಂದಿದೆ.