ಅಜೆಕಾರು ಪೊಲೀಸ್‌ ಠಾಣೆ ಸ್ಯಾನಿಟೈಸ್‌

ಅಜೆಕಾರು: ಅಜೆಕಾರು ಪೊಲೀಸ್‌ ಠಾಣೆಯ ಎಎಸ್‌ಐ ಅವರಿಗೆ ಕೋವಿಡ್-19 ಪಾಸಿಟಿವ್‌ ಬಂದ ಹಿನ್ನೆಲೆಯಲ್ಲಿ ಅಜೆಕಾರು ಪೊಲೀಸ್‌ ಠಾಣೆಯನ್ನು ಮೇ 24ರಂದು ಸೀಲ್‌ ಡೌನ್‌ ಮಾಡಲಾಗಿತ್ತು.

ಮೇ 25ರಂದು ಪೊಲೀಸ್‌ ಠಾಣೆ ಯನ್ನು ಸ್ಯಾನಿಟೈಸ್‌ ಮಾಡಲಾಗಿದ್ದು ಮೇ 26ರಿಂದ ಮತ್ತೆ ಪೊಲೀಸ್‌ ಠಾಣೆ ತೆರೆಯಲಿದೆ.

ಪೊಲೀಸ್‌ ಠಾಣೆ ಸೀಲ್‌ ಡೌನ್‌ ಆಗಿರುವುದರಿಂದ ತಾತ್ಕಾಲಿಕವಾಗಿ ಅಜೆಕಾರು ಪೇಟೆಯ ಅಂಗನವಾಡಿ ಕೇಂದ್ರದಲ್ಲಿ ಪೊಲೀಸರು ಕಾರ್ಯನಿರ್ವಹಿಸಿದರು. ಮರ್ಣೆ ಗ್ರಾಮ ಪಂಚಾಯತ್‌ ಪಿಡಿಒ ತಿಲಕರಾಜ್‌ ಮಾರ್ಗದರ್ಶನದಲ್ಲಿ ಠಾಣೆಯ ಸ್ಯಾನಿಟೈಸ್‌ ನಡೆಸಲಾಗಿದೆ.ಅಜೆಕಾರು ಪೊಲೀಸ್‌ ಠಾಣೆಯಲ್ಲಿ ಕಾರ್ಯನಿರ್ವಹಿಸುತ್ತಿದ್ದ 21 ಸಿಬಂದಿಗೆ ಹೋಮ್‌ ಕ್ವಾರೆಂಟೈನ್‌ ಮಾಡಿರುವುದರಿಂದ ಪ್ರಸಕ್ತ ಶಿರ್ವ, ಕಾಪು, ಪಡುಬಿದ್ರಿ ಪೊಲೀಸ್‌ ಠಾಣೆಯ ಅಧಿಕಾರಿಗಳು ಮತ್ತು ಸಿಬಂದಿ ಕಾರ್ಯನಿರ್ವಹಿಸುತ್ತಿದ್ದಾರೆ.