ಅಜೆಕಾರು: ಕೊನೆಗೂ ವಿದ್ಯುತ್‌ ಸಂಪರ್ಕ ಪಡೆದ ದಾರಿದೀಪ

ಅಜೆಕಾರು: ಮರ್ಣೆ ಪಂಚಾಯತ್‌ ವ್ಯಾಪ್ತಿಯ ಅಜೆಕಾರು ಪೇಟೆಯಲ್ಲಿ ರಸ್ತೆಯ ವಿಭಾಜಕದ ನಡುವೆ 4 ತಿಂಗಳ ಹಿಂದೆ ಅಳವಡಿಸಿದ ದಾರಿದೀಪಗಳಿಗೆ ವಿದ್ಯುತ್‌ ಸಂಪರ್ಕ ಇಲ್ಲದ ಬಗ್ಗೆ ಉದಯವಾಣಿ ಪತ್ರಿಕೆಯು ಮಾ. 24ರಂದು ಸಚಿತ್ರ ವರದಿ ಪ್ರಕಟಿಸಿದ ಕೆಲವೇ ದಿನಗಳಲ್ಲಿ ದಾರಿದೀಪ ವಿದ್ಯುತ್‌ ಸಂಪರ್ಕ ಪಡೆದಿದೆ. 

2017ರ ಡಿಸೆಂಬರ್‌ ತಿಂಗಳಿನಲ್ಲಿ ಸುಮಾರು 9 ಲಕ್ಷ ರೂ. ವೆಚ್ಚದಲ್ಲಿ ರಸ್ತೆ ವಿಭಾಜಕದ ನಡುವೆ ದಾರಿ ದೀಪ ಅಳವಡಿಸಿ 4 ತಿಂಗಳು ಕಳೆದರೂ ವಿದ್ಯುತ್‌ ಸಂಪರ್ಕವಿಲ್ಲದೆ ಸಾರ್ವಜನಿಕರಿಗೆ ಪ್ರಯೋಜನವಿಲ್ಲದಂತಾಗಿರುವ ಬಗ್ಗೆ ಪತ್ರಿಕೆ ವರದಿ ಮಾಡಿ ಎಚ್ಚರಿಸಿತ್ತು. 

ವರದಿಗೆ ಗುತ್ತಿಗೆದಾರರು ಕೂಡಲೇ ಸ್ಪಂದಿಸಿ ರಸ್ತೆ ವಿಭಾಜಕದ ನಡುವಿನ 8 ದಾರಿದೀಪಗಳಿಗೂ ವಿದ್ಯುತ್‌ ಸಂಪರ್ಕವನ್ನು ಎ. 2ರಂದು ಕಲ್ಪಿಸಿದ್ದಾರೆ.