Advertisement

200 ಕೋಟಿ ಕ್ಲಬ್ ಗೆ ಸೇರಿದ ತಾನಾಜಿ ; ಏನಿದು ಥರ್ಡ್ ಸಂಡೇ ಕಲೆಕ್ಷನ್ ರೆಕಾರ್ಡ್?

10:03 AM Jan 29, 2020 | Hari Prasad |

ಮುಂಬಯಿ: ಅಜಯ್ ದೇವಗನ್, ಕಾಜೋಲ್, ಸೈಫ್ ಆಲಿಖಾನ್ ಹಾಗೂ ಶರದ್ ಕೇಲ್ಕರ್ ಪ್ರಮುಖ ಪಾತ್ರಗಳಲ್ಲಿ ಅಭಿನಯಿಸಿರುವ ತಾನಾಜಿ – ದಿ ಅನ್ ಸಂಗ್ ವಾರಿಯರ್ ಹಿಂದಿ ಚಿತ್ರ ಈ ಹಿಂದಿನ ಹಲವಾರು ದಾಖಲೆಗಳನ್ನು ಮುರಿದು ಮುನ್ನುಗ್ಗುತ್ತಿದೆ.

Advertisement

ತಾನಾಜಿ ಶುಕ್ರವಾರವಷ್ಟೇ 200 ಕೋಟಿ ಕ್ಲಬ್ ಗೆ ಸೇರ್ಪಡೆಗೊಂಡ ಸಾಧನೆಯನ್ನು ಮಾಡಿತ್ತು. ಬಳಿಕ ಚಿತ್ರ ಬಿಡುಗಡೆಗೊಂಡ ಮೂರನೇ ರವಿವಾರ (ಥರ್ಡ್ ಸಂಡೇ) ಅತೀ ಹೆಚ್ಚು ಗಳಿಕೆ ಮಾಡಿದ ಚಿತ್ರಗಳ ಸಾಲಿನಲ್ಲಿ ತಾನಾಜಿ ಮೂರನೇ ಸ್ಥಾನ ಪಡೆದಿದೆ. ಈ ಮೂಲಕ ಥರ್ಡ್ ಸಂಡೇ ಕಲೆಕ್ಷನ್ ನಲ್ಲಿ ಇದುವರೆಗೂ ಮೂರನೇ ಸ್ಥಾನದಲ್ಲಿದ್ದ ಅಮೀರ್ ಖಾನ್ ಅಭಿನಯದ ಬ್ಲಾಕ್ ಬ್ಲಸ್ಟರ್ ಚಿತ್ರ ಪಿಕೆ ನಾಲ್ಕನೇ ಸ್ಥಾನಕ್ಕೆ ಜಾರಿದೆ ಮತ್ತು ಶಾಹೀದ್ ಕಪೂರ್ ಅವರ ಕಬೀರ್ ಸಿಂಗ್ ಚಿತ್ರ ಥರ್ಡ್ ಸಂಡೇ ಕಲೆಕ್ಷನ್ ನಲ್ಲಿ ಐದನೇ ಸ್ಥಾನದಲ್ಲಿದೆ.


ತಾನಾಜಿ ಬಿಡುಗಡೆಗೊಂಡ ಮೂರನೇ ಸಂಡೇ 12.58 ಕೋಟಿ ಕಲೆಕ್ಷನ್ ಮಾಡುವ ಮೂಲಕ ಇದಕ್ಕೂ ಮೊದಲು ಈ ದಾಖಲೆ ಮಾಡಿದ್ದ ಬಾಹುಬಲಿ -2 (ಹಿಂದಿ) (17.75 ಕೋಟಿ) ಮತ್ತು ದಂಗಲ್ (14.33 ಕೋಟಿ) ಚಿತ್ರಗಳ ನಂತರದ ಸ್ಥಾನವನ್ನು ಆಕ್ರಮಿಸಿಕೊಂಡಿದೆ.

ಈ ದಾಖಲೆಯ ಮೂಲಕ ತಾನಾಜಿ ಚಿತ್ರ ತನ್ನ ಥರ್ಡ್ ಸಂಡೇ ಕಲೆಕ್ಷನ್ ನಲ್ಲಿ ಪಿಕೆ (11.58 ಕೋಟಿ), ಕಬೀರ್ ಸಿಂಗ್ (9.61 ಕೋಟಿ) ಸಂಜು (9.29 ಕೋಟಿ), ಉರಿ (9.20 ಕೋಟಿ), ಭಜರಂಗಿ ಭಾಯ್ ಜಾನ್ (9.07 ಕೋಟಿ), ವಾರ್ (5.60 ಕೋಟಿ), ಬಾಹುಬಲಿ (ಹಿಂದಿ) (5.11 ಕೋಟಿ) ಮತ್ತು ಸುಲ್ತಾನ್ (5.14 ಕೋಟಿ) ಚಿತ್ರಗಳನ್ನು ಹಿಂದಿಕ್ಕಿದ ಸಾಧನೆಯನ್ನು ಸಹ ಮಾಡಿದಂತಾಗಿದೆ.

Advertisement

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next