ಮುಸ್ಲಿಂ ವಿರೋಧಿ ಕಂಟೆಂಟ್: ರಜಿನಿಕಾಂತ್‌ ‘Lal Salaam’ ಸಿನಿಮಾಕ್ಕೆ ಬ್ಯಾನ್‌ ಬಿಸಿ

ಚೆನ್ನೈ: ಸೂಪರ್‌ ಸ್ಟಾರ್‌ ರಜಿನಿಕಾಂತ್‌ ಅವರು ವಿಶೇಷ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿರುವ ʼಲಾಲ್‌ ಸಲಾಂʼ ರಿಲೀಸ್‌ಗೆ ರೆಡಿಯಾಗಿದೆ.

ʼಲಾಲ್‌ ಸಲಾಂʼ ಐಶ್ವರ್ಯಾ ನಿರ್ದೇಶನದ ಮೂರನೇ ಸಿನಿಮಾ. ಈ ಹಿಂದೆ ಅವರು ʼ3ʼ(2011), ʼ ವೈ ರಾಜಾ ವೈʼ(2015) ಸಿನಿಮಾವನ್ನು ಮಾಡಿದ್ದರು. ʼಲಾಲ್‌ ಸಲಾಂʼ ಸಿನಿಮಾದಲ್ಲಿ ವಿಷ್ಣು ವಿಶಾಲ್,ವಿಕ್ರಾಂತ್ ಪ್ರಧಾನ ಪಾತ್ರದಲ್ಲಿ ಕಾಣಿಸಿಕೊಳ್ಳಲ್ಲಿದ್ದಾರೆ.

ಈಗಾಗಲೇ ಸಿನಿಮಾದ ಟ್ರೇಲರ್‌ ರಿಲೀಸ್‌ ಆಗಿ ಪ್ರೇಕ್ಷಕರ ಗಮನ ಸೆಳೆದಿದೆ. ಕ್ರಿಕೆಟ್‌ ಕಥೆಯಲ್ಲಿ ಹಿಂದೂ – ಮುಸ್ಲಿಂ ವಿಚಾರ ಸಿನಿಮಾದಲ್ಲಿರಲಿದೆ. ಇದೇ ಕಾರಣದಿಂದ ಸಿನಿಮಾಕ್ಕೆ ಬ್ಯಾನ್‌ ಬಿಸಿ ತಟ್ಟಿದೆ. ಕುವೈಟ್‌ನಲ್ಲಿ ಸಿನಿಮಾ ರಿಲೀಸ್‌ಗೆ ನಿಷೇಧ ಹೇರಲಾಗಿದೆ.

ಇದನ್ನೂ ಓದಿ: ಸಾವಿನ ಬಗ್ಗೆ ಸುದ್ದಿ ಹಬ್ಬಿಸಿದ್ದಕ್ಕೆ ಹೆಮ್ಮೆಯಿದೆ.. ವಿಡಿಯೋ ಪೋಸ್ಟ್‌ ಮಾಡಿದ ಪೂನಂ ಪಾಂಡೆ

ಮುಸ್ಲಿಂ ವಿರೋಧಿ ವಿಚಾರವನ್ನು ಸಿನಿಮಾದಲ್ಲಿ ತೋರಿಸಲಾಗಿದ್ದು, ಈ ಕಾರಣದಿಂದ ಕುವೈಟ್‌ನಲ್ಲಿ ಸಿನಿಮಾಕ್ಕೆ ನಿಷೇಧ ಹೇರಲಾಗಿದೆ ಎಂದು ವರದಿಯಾಗಿದೆ.  ಇದೇ ಫೆ. 9ರಂದು ಸಿನಿಮಾ ತೆರೆ ಕಾಣಲಿದೆ.

ಗಲ್ಫ್ ದೇಶಗಳಲ್ಲಿ ಭಾರತದ ಸಿನಿಮಾಗಳು ಬ್ಯಾನ್‌ ಆಗುವುದು ಹೊಸತೇನಲ್ಲ. ಇತ್ತೀಚೆಗೆ ಹೃತಿಕ್‌ ಅವರ ʼಫೈಟರ್‌ʼ, ಮಮ್ಮುಟ್ಟಿ ಅವರ ʼಕಾತಲ್ – ದಿ ಕೋರ್’, ದಳಪತಿ ವಿಜಯ್ ವಿ ಅವರ ‘ಬೀಸ್ಟ್’, ‘ಸೀತಾ ರಾಮಂ’, ತಮಿಳು ಚಿತ್ರ ‘ಎಫ್‌ಐಆರ್’ ಮತ್ತು ಮೋಹನ್ ಲಾಲ್ ಅವರ ‘ಮಾನ್ ಸ್ಟರ್’ ‌ಸಿನಿಮಾಗಳು ಬ್ಯಾನ್‌ ಆಗಿದ್ದವು.