ಪಾಕ್‌ನಲ್ಲೊಬ್ಬಳು ಐಶ್ವರ್ಯಾ ರೈ!

ಒಬ್ಬರಂತೆ ಪ್ರಪಂಚದಲ್ಲಿ 7 ಜನ ಇರ್ತಾರೆ ಅನ್ನೋ ನಂಬಿಕೆ ಉಂಟು. ಥೇಟ್‌ ಬಾಲಿವುಡ್‌ ನಟಿ ಐಶ್ವರ್ಯಾ ರೈನಂತೆ ಪಾಕಿಸ್ಥಾನದಲ್ಲೊಬ್ಬಳು ಯುವತಿ ಇನ್‌ಸ್ಟಾಗ್ರಾಂನಲ್ಲಿ ನೆಟ್‌ಲೋಕದ ವಿಶ್ವಸುಂದರಿಯಂತೆ ವೈರಲ್‌ ಆಗುತ್ತಿದ್ದಾಳೆ.

ಹಸುರು ಗಾಜಿನ ಕಂಗಳ ಅಮ್ನಾ ಇಮ್ರಾನ್‌ ಎಂಬ ಬ್ಯೂಟಿ ಬ್ಲಾಗರ್‌, ಇನ್‌ಸ್ಟಾಗ್ರಾಮ್‌ನಲ್ಲಿ ಐಶ್ವರ್ಯಾ ರೈಯಂತೆ ಪೋಸ್‌ ಕೊಟ್ಟಿರುವ ಫೋಟೋಗಳು ಹೈಕಳ ನಿದ್ದೆಗೆಡಿಸಿದೆ. ಪಾಕ್‌ನ ಐಶ್ವರ್ಯಾ ರೈ ಎಂದು ಹೇಳಿಕೊಂಡೇ ಈಕೆ ಈಗ ತನ್ನ ಫಾಲೋವರ್ಸ್‌ ಹೆಚ್ಚಿಸಿಕೊಳ್ಳುತ್ತಿದ್ದಾಳೆ. ಈ ಹಿಂದೆ ತಮಿಳು ನಟಿ, ಟಿಕ್‌ ಟಾಕ್‌ ಸುಂದರಿ ಅಮ್ಮುಜ್‌ ಅಮೃತಾಳನ್ನು ಐಶ್ವರ್ಯಾ ರೈ ಪ್ರತಿರೂಪ ಎಂದು ನೆಟ್ಟಿಗರು ಆರಾಧಿಸುತ್ತಿದ್ದರು.

ಬಹುಶಃ ಬಾಕಿ ನಾಲ್ವರ ಐಶ್ವರ್ಯಾ ರೈಗಳನ್ನು ಇಂಟರ್ನೆಟ್‌ ಸದ್ಯದಲ್ಲೇ ಶೋಧಿಸಲಿದೆ!