Air India ಕಟ್ಟಡಕ್ಕೆ ಈಗ ಮಹಾ ಸರಕಾರ ಮಾಲಕ! :1,601 ಕೋಟಿ ರೂ.ಗೆ ಖರೀದಿ

ಮುಂಬಯಿ: ಮುಂಬಯಿನಲ್ಲಿರುವ ಪ್ರಖ್ಯಾತ ಏರ್‌ ಇಂಡಿಯಾ ಕಟ್ಟಡವನ್ನು ಮಹಾರಾಷ್ಟ್ರ ಸರಕಾರ‌ 1,601 ಕೋಟಿ ರೂ.ಗೆ ಖರೀದಿಸಿದೆ.

ನಾರಿಮನ್‌ ಪಾಯಿಂಟ್‌ನಲ್ಲಿರುವ ಈ ಏರ್‌ ಇಂಡಿಯಾ ಕಟ್ಟಡವು ಇದಕ್ಕೂ ಮುನ್ನ ಎಐ ಅಸೆಟ್ಸ್‌ ಹೋಲ್ಡಿಂಗ್‌ ಕಂಪೆನಿ ಲಿ.(ಎಐಎಎಚ್‌ಎಲ್‌) ಸುಪ­ರ್ದಿ­ಯಲ್ಲಿತ್ತು. ಗುರುವಾರ ಕೇಂದ್ರ ಸರಕಾರ‌ವು ಕಟ್ಟಡದ ಆಸ್ತಿ ಮಾಲಕತ್ವವನ್ನು ಎಐಎಎಚ್‌ಎಲ್‌ನಿಂದ ಮಹಾ­­­­­­­ರಾಷ್ಟ್ರ ಸರಕಾರ‌ಕ್ಕೆ ವರ್ಗಾಯಿಸಿದೆ.

ಜೆ.ಆರ್‌.ಡಿ. ಟಾಟಾ ಅವರ ಕನಸಿಗೆ ಅನುಗುಣವಾಗಿ ನ್ಯೂಯಾರ್ಕ್‌ ಮೂಲದ ವಾಸ್ತುಶಿಲ್ಪಿ ಜಾನ್‌ ಬರ್ಗಿ ಅವರು ಈ ಕಟ್ಟಡವನ್ನು ವಿನ್ಯಾಸ­ಗೊಳಿಸಿದ್ದರು. 1970ರಲ್ಲಿ ಕಟ್ಟಡ ನಿರ್ಮಿಸಲಾಯಿತು. ಈ ಕಟ್ಟಡವು ಆಗಿನ ಕಾಲದಲ್ಲಿ ಎಲಿವೇಟರ್‌ಗಳು, ನಿಯಾನ್‌ ಸಂಕೇತದ ಬೋರ್ಡ್‌ಗಳು, ಎರಡು ಹಂತದ ನೆಲಮಹಡಿ ಪಾರ್ಕಿಂಗ್‌ ವ್ಯವಸ್ಥೆ ಹೊಂದಿದ್ದ ದೇಶದ ಮೊದಲ 23 ಅಂತಸ್ತಿನ ಕಟ್ಟಡವಾಗಿತ್ತು.

ಏರ್‌ ಇಂಡಿಯಾದ ಆಸ್ತಿಗಳು, ಸಾಲದ ಮೇಲ್ವಿಚಾರಣೆಗಾಗಿ ಎಐಎ ಎಚ್‌ಎಲ್‌ ಅನ್ನು ಸ್ಥಾಪಿಸಲಾಯಿತು.