ಲೈಂಗಿಕ ದೌರ್ಜನ್ಯ ತನಿಖೆಗೆ ಏರ್‌ಇಂಡಿಯಾ ಸಮಿತಿ

ಹೊಸದಿಲ್ಲಿ: ಏರ್‌ ಇಂಡಿಯಾ ಕಮಾಂಡರ್‌ ವಿರುದ್ಧ ಮಹಿಳಾ ಪೈಲಟ್‌ ದಾಖಲಿಸಿದ ದೂರಿಗೆ ಸಂಬಂಧಿಸಿದಂತೆ ಉನ್ನತ ಮಟ್ಟದ ತನಿಖಾ ಸಮಿತಿಯನ್ನು ಏರ್‌ ಇಂಡಿಯಾ ಬುಧವಾರ ರಚಿಸಿದೆ. ಮೇ 5ರಂದು ಹೈದರಾ ಬಾದ್‌ನಲ್ಲಿ ತರ ಬೇತಿ ನೀಡುತ್ತಿದ್ದಾಗ ಕಮಾಂಡರ್‌ ಲೈಂಗಿಕ ಕಿರುಕುಳ ನೀಡಿದ್ದಾರೆ ಎಂದು ಪೈಲಟ್‌ ದೂರು ನೀಡಿದ್ದಾರೆ. ರಾತ್ರಿ ಹೊಟೇಲ್‌ಗೆ ಊಟಕ್ಕೆ ಕರೆದು ಅನುಚಿತ ವಾಗಿ ವರ್ತಿಸಿ ದರು. ಎಚ್ಚರಿಕೆ ನೀಡಿದರೂ ಕಿರುಕುಳವನ್ನು ಮುಂದುವರಿಸಿದ್ದರು. ಇಂಥ ಸನ್ನಿವೇಶವನ್ನು ಇತರರೂ ಎದುರಿಸದಿರಲಿ ಎಂಬ ಕಾರಣಕ್ಕೆ ದೂರು ನೀಡಿದ್ದಾಗಿ ಮಹಿಳೆ ಹೇಳಿದ್ದಾರೆ.