ಏರ್‌ಇಂಡಿಯಾ ಸಂಸ್ಥೆ: 15 ತಿಂಗಳುಗಳಲ್ಲಿ 30 ಹೊಸ ವಿಮಾನ

ಹೊಸದಿಲ್ಲಿ: ಟಾಟಾ ಗ್ರೂಪ್ಸ್‌ ಮಾಲಕತ್ವದ ಏರ್‌ಇಂಡಿಯಾ ಸಂಸ್ಥೆಯು ಮುಂದಿನ 15 ತಿಂಗಳೊಳಗೆ 30 ಹೊಸ ವಿಮಾನಗಳನ್ನು ತಮ್ಮ ಏರ್‌ಲೈನ್‌ಗೆ ಸೇರಿಸಿಕೊಳ್ಳುವುದಾಗಿ ತಿಳಿಸಿದೆ.

5 ಬೋಯಿಂಗ್‌ (ವೈಡ್‌ ಬಾಡಿ) ವಿಮಾನಗಳು ಹಾಗೂ 25 ನ್ಯಾರೋ ಬಾಡಿ ವಿಮಾನಗಳನ್ನು ಲೀಸ್‌ಗೆ ಪಡೆಯುವುದಕ್ಕೆ ಈಗಾಗಲೇ ಏರ್‌ಇಂಡಿಯಾ ವತಿಯಿಂದ ಒಪ್ಪಂದ ಮಾಡಿಕೊಳ್ಳಲಾಗಿದೆ.

ಈ ಮೂಲಕ ಸಂಸ್ಥೆಯು ಪ್ರಾದೇಶಿಕ ವಿಮಾನ ಸಂಪರ್ಕವನ್ನು ಇನ್ನಷ್ಟು ಹೆಚ್ಚಿಸುವ ಗುರಿ ಹೊಂದಿದೆ ಎಂದು ಹೇಳಲಾಗಿದೆ. ಈ ಎಲ್ಲ ವಿಮಾನಗಳು 2023ರಲ್ಲಿ ಹಾರಾಟ ಆರಂಭಿಸಲಿವೆ ಎಂದು ತಿಳಿಸಲಾಗಿದೆ.