ಕೊಲ್ಲಿ ಭಾರತೀಯರಿಗೆ ಎಐ ಸಹಾಯಹಸ್ತ

ಹೊಸದಿಲ್ಲಿ: ಕೊಲ್ಲಿ ರಾಷ್ಟ್ರಗಳಲ್ಲಿ ಅಸುನೀಗಿದ ಭಾರತೀಯರ ಪಾರ್ಥಿವ ಶರೀರಗಳನ್ನು ಸ್ವದೇಶಕ್ಕೆ ತರಲು ವಿಧಿಸುತ್ತಿರುವ ಶುಲ್ಕದಲ್ಲಿ ಗಣನೀಯ ಮಟ್ಟದಲ್ಲಿ ಇಳಿಕೆ ಮಾಡಲು ಏರ್‌ ಇಂಡಿಯಾ ತೀರ್ಮಾನಿಸಿದೆ. ಶುಲ್ಕದಲ್ಲಿ ಶೇ. 40ರಷ್ಟು ಇಳಿಕೆ ಯಾಗಲಿದ್ದು, ಭಾರತೀಯರಿಗೆ ಅನುಕೂಲವಾಗಲಿದೆ.

ಯಾವ್ಯಾವ ರಾಷ್ಟ್ರಗಳು?
ಕೊಲ್ಲಿಯಲ್ಲಿ ಅಂದಾಜು 50 ಲಕ್ಷ ಭಾರತೀಯರು ನೆಲೆಸಿದ್ದು, ಯುಎಇ, ಸೌದಿ ಅರೇ ಬಿಯಾ, ಕತಾರ್‌, ಬಹ್ರೈನ್‌, ಒಮಾನ್‌ ಮತ್ತು ಕುವೈಟ್‌ ವಾಸಿಗಳಿಗೆ ಏರ್‌ ಇಂಡಿಯಾದ ಈ ನಿರ್ಧಾರದಿಂದ ಅನುಕೂಲವಾಗಿದೆ.

ಹೊಸ ಶುಲ್ಕ ಎಷ್ಟು?
ಯುಎಇಯಲ್ಲಿರುವ ಭಾರತೀಯರಿಗೆ 29,000 ರೂ., ಸೌದಿಯವರಿಗೆ 41,800 ರೂ., ಕತಾರ್‌ ವಾಸಿಗಳಿಗೆ 43,000 ರೂ., ಬಹ್ರೈನ್‌ನವರಿಗೆ 42,500 ರೂ., ಒಮಾನ್‌ ನಿವಾಸಿಗಳಿಗೆ 29,500 ರೂ. ಹಾಗೂ ಕುವೈಟ್‌ ವಾಸಿಗಳಿಗೆ 40,900 ರೂ. ವಿಧಿಸಲು ತೀರ್ಮಾನಿಸಲಾಗಿದೆ.