17ರಂದು ಪೋಖ್ರಾನ್‌ನಲ್ಲಿ ವಾಯು ಶಕ್ತಿ-2024 ಸಮರಾಭ್ಯಾಸ

ನವದೆಹಲಿ: ಭಾರತ-ಪಾಕಿಸ್ತಾನ ಗಡಿಯ ರಾಜಸ್ಥಾನದಲ್ಲಿರುವ ಪೋಖ್ರಾನ್‌ ಫೈರಿಂಗ್‌ ರೇಂಜ್‌ನಲ್ಲಿ ಫೆ.17ರಂದು ನಡೆಯಲಿರುವ ವಾಯು ಶಕ್ತಿ-2024 ಸಮಾರಾಭ್ಯಾಸದಲ್ಲಿ ಭಾರತೀಯ ವಾಯು ಪಡೆಯು ತನ್ನ ಸಂಪುರ್ಣ ಯುದ್ಧ ಸಾಮರ್ಥ್ಯವನ್ನು ಪ್ರದರ್ಶಿಸಲಿದೆ.

“ಇದೇ ಮೊದಲ ಬಾರಿಗೆ ರಫೇಲ್‌ ಮತ್ತು ಪ್ರಚಂಡ್‌ ಯುದ್ಧ ವಿಮಾನಗಳು, ಅಪಾಚೆ ಹೆಲಿಕಾಪ್ಟರ್‌ಗಳು ಭಾಗವಹಿಸಲಿವೆ. ಬೆಳಗ್ಗೆ, ಸಂಜೆ ಮತ್ತು ರಾತ್ರಿ ಮೂರು ಹೊತ್ತು ತಲಾ 2 ಗಂಟೆ, 15 ನಿಮಿಷ ಸಮರಾಭ್ಯಾಸ ನಡೆಯಲಿದೆ. ವಾಯುಪಡೆಗೆ ಸೇರಿದ ಸುಮಾರು 100 ಯುದ್ಧ ವಿಮಾನಗಳು, ಹೆಲಿಕಾಪ್ಟರ್‌ಗಳು ಪಾಲ್ಗೊಳ್ಳಲಿವೆ” ಎಂದು ಭಾರತೀಯ ವಾಯುಪಡೆಯ ವೈಸ್‌ ಚೀಫ್ ಆಫ್ ಏರ್‌ ಸ್ಟಾಫ್ ಏರ್‌ ಮಾರ್ಷಲ್‌ ಎ.ಪಿ.ಸಿಂಗ್‌ ತಿಳಿಸಿದ್ದಾರೆ.