ಫುಟ್ ಬಾಲ್‌ ಫೆಡರೇಶನ್‌ ಅಧ್ಯಕ್ಷ ಹುದ್ದೆಗೆ ಭುಟಿಯ ನಾಮಪತ್ರ

ಹೊಸದಿಲ್ಲಿ: ಲೆಜೆಂಡ್ರಿ ಫುಟ್ಬಾಲಿಗ ಭೈಚುಂಗ್‌ ಭುಟಿಯ ಅಖಿಲ ಭಾರತ ಫುಟ್ ಬಾಲ್‌ ಫೆಡರೇಶನ್‌ (ಎಐಎಫ್ಎಫ್) ಅಧ್ಯಕ್ಷ ಹುದ್ದೆಗೆ ನಾಮಪತ್ರ ಸಲ್ಲಿಸಿದರು.

ಫಿಫಾದಿಂದ ಎಐಎಫ್ಎಫ್ ನಿಷೇಧಕ್ಕೊಳಗಾಗಿ ರುವ ಈ ಕಠಿನ ಸನ್ನಿವೇಶದಲ್ಲಿ ಆ. 28ರಂದು ಮಹತ್ವದ ಚುನಾವಣೆ ನಡೆಯಲಿದೆ. ಶುಕ್ರವಾರ ನಾಮಪತ್ರ ಸಲ್ಲಿಸಲು ಕೊನೆಯ ದಿನವಾಗಿತ್ತು. ಭುಟಿಯ ಹೆಸರನ್ನು ಸೂಚಿಸಿದವರು ರಾಷ್ಟ್ರೀಯ ತಂಡದ ಮಾಜಿ ಸಹ ಆಟಗಾರ ದೀಪಕ್‌ ಮೊಂಡಲ್‌ ಮತ್ತು ಆಟಗಾರ್ತಿ ಮಧು ಕುಮಾರಿ.

ಚುನಾವಣ ಕಣದಲ್ಲಿ ರಾಜಕೀಯ ಹಿನ್ನೆಲೆಯುಳ್ಳ ಬಹಳಷ್ಟು ಮಂದಿ ಇರುವುದರಿಂದ ಬೈಚುಂಗ್‌ ಭುಟಿಯ ಮುಂದಿರುವ ಸವಾಲು ಸುಲಭವಲ್ಲ ಎಂದು ವಿಶ್ಲೇಷಿಸಲಾಗುತ್ತಿದೆ.

ಮೋಹನ್‌ ಬಗಾನ್‌ ಹಾಗೂ ಈಸ್ಟ್‌ ಬೆಂಗಾಲ್‌ ತಂಡದ ಮಾಜಿ ಗೋಲ್‌ಕೀಪರ್‌, ಪಶ್ಚಿಮ ಬಂಗಾಲದ ಬಿಜೆಪಿ ಮುಖಂಡ ಕಲ್ಯಾಣ್‌ ಚೌಬೆ, ಪಶ್ವಿ‌ಮ ಬಂಗಾಲದ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ಅವರ ಸಹೋದರ ಅಜಿತ್‌ ಬ್ಯಾನರ್ಜಿ, ಮಾಜಿ ಮಿಡ್‌ಫಿಲ್ಡರ್‌-ಮೇಘಾಲಯದ ಹಾಲಿ ಶಾಸಕ ಯುಜಿನೆಸನ್‌ ಲಿಂಗೊx, ಕರ್ನಾಟಕದ ಕಾಂಗ್ರೆಸ್‌ ಶಾಸಕ ಹಾಗೂ ರಾಜ್ಯ ಫುಟ್‌ಬಾಲ್‌ ಅಸೋಸಿಯೇಶನ್‌ನ ಎನ್‌.ಎ. ಹ್ಯಾರಿಸ್‌, ರಾಜಸ್ಥಾನದ ಕಾಂಗ್ರೆಸ್‌ ಸದಸ್ಯ ಮಾನವೇಂದ್ರ ಸಿಂಗ್‌, “ಫುಟ್‌ಬಾಲ್‌ ದಿಲ್ಲಿ’ಯ ಅಧ್ಯಕ್ಷ ಶಾಜಿ ಪ್ರಭಾಕರನ್‌ ಅವರೆಲ್ಲ ನಾಮಪತ್ರ ಸಲ್ಲಿಸಿದ ಘಟಾನುಘಟಿಗಳು.