ಚೆನ್ನೈ : ಮಾಜಿ ಸಿಎಂ ದಿ|ಜಯಲಲಿತಾ ಪ್ರತಿಮೆ ಅನಾವರಣ

ಚೆನ್ನೈ : ತಮಿಳು ನಾಡಿನ ಆಳುವ ಎಐಎಡಿಎಂಕೆ ಪಕ್ಷ ಇಂದು ಶನಿವಾರ ತನ್ನ ಅಧಿನಾಯಕಿ, ಮಾಜಿ ಮುಖ್ಯಮಂತ್ರಿ ಜೆ ಜಯಲಲಿತಾ ಅವರ ಪೂರ್ಣ ಪ್ರಮಾಣದ ಪ್ರತಿಮೆಯನ್ನು, ಆಕೆಯ 70ನೇ ಜನ್ಮದಿನದ ಅಂಗವಾಗಿ, ಅನಾವರಣಗೊಳಿಸಿದೆ. 

ಮುಖ್ಯಮಂತ್ರಿ ಇ ಪಳನಿಸ್ವಾಮಿ ಮತ್ತು ಉಪ ಮುಖ್ಯಮಂತ್ರಿ ಓ ಪನ್ನೀರಸೆಲ್ವಂ ಅವರು ಪ್ರತಿಮೆಯನ್ನು ಅನಾವರಣಗೊಳಿಸಿದರು ಎಂದು ಎಎನ್‌ಐ ವರದಿ ಮಾಡಿದೆ

ಪಕ್ಷದ ಪ್ರಧಾನ ಕಾರ್ಯಾಲಯದ ಹಸಿರು ಹಾಸಿನಲ್ಲಿ  ದಿ| ಎಂ ಜಿ ರಾಮಚಂದ್ರನ್‌ ಅವರ ಎದೆ ಮಟ್ಟದ ಪ್ರತಿಮೆ ಸ್ಥಾಪಿಸಿರುವಲ್ಲಿಗೆ ಸಮೀಪವೇ ಜಯಲಲಿತಾ ಅವರ ಪೂರ್ಣ ಪ್ರಮಾಣದ ಪ್ರತಿಮೆಯನ್ನು ಸ್ಥಾಪಿಸಲಾಗಿದೆ.

ವರದಿಗಳ ಪ್ರಕಾರ ದಿವಂಗತ ಅಧಿನಾಯಕಿ ಸ್ಮರಣಾರ್ಥ ಪತ್ರಿಕೆಯೊಂದನ್ನು ಆರಂಭಿಸು ಪಕ್ಷವು ನಿರ್ಧರಿಸಿದೆ.