AI News: ಗೂಗಲ್‌ನಿಂದ ಎಐ ಸರ್ಚ್‌ ಅಭಿವೃದ್ಧಿ

ಗೂಗಲ್‌ ಬಳಕೆದಾರರು ಶೀಘ್ರದಲ್ಲೇ ಸರ್ಚ್‌ ಎಂಜಿನ್‌ಗೆ ಸಂಬಂಧಿಸಿದಂತೆ ಹೊಸ ಅನುಭವ ಹೊಂದಲಿದ್ದಾರೆ. ಸಾಂಪ್ರದಾಯಿಕ ಶೈಲಿಯ ಹುಡುಕುವ ಪ್ರಕ್ರಿಯೆಯ ಬದಲಾಗಿ ಕೃತಕ ಬುದ್ಧಿಮತ್ತೆ ಚಾಲಿತ ಹುಡುಕಾಟ ಅನುಭವವನ್ನು ಬಳಕೆದಾರರು ಈಗಾಗಲೇ ಹೊಂದಿದ್ದಾರೆ.

ಜತೆಗೆ ಬಳಕೆದಾರರ ಅಗತ್ಯಕ್ಕೆ ತಕ್ಕಂತೆ ಜಾಹೀರಾತುಗಳನ್ನು ಪ್ರದರ್ಶನಕ್ಕಾಗಿ ಎಐ ಆಧಾರಿತ ತಂತ್ರಜ್ಞಾನಕ್ಕೆ ಗೂಗಲ್‌ ಮೊರೆ ಹೋಗಿದೆ. ಈ ನಿಟ್ಟಿನಲ್ಲಿ ನೂತನ ತಂತ್ರಜ್ಞಾನವನ್ನು ಅದು ಅಭಿವೃದ್ಧಿಪಡಿಸುತ್ತಿದೆ. ಕಂಪನಿಯ ದೊಡ್ಡ ಪ್ರಮಾಣದ ಆದಾಯಕ್ಕೆ ಜಾಹೀರಾತುಗಳೇ ಮೂಲ. ಹೀಗಾಗಿ ಗ್ರಾಹಕರಿಗೆ ಹೆಚ್ಚು ಆರಾಮದಾಯಕ ಅನುಭವ ಒದಗಿಸುವ ಜತೆಗೆ ಜಾಹೀರಾತುಗಳ ವರ್ಧನೆಗಾಗಿ ನೂತನ ಎಐ ಚಾಲಿತ ಹುಡುಕಾಟ ವ್ಯವಸ್ಥೆ ಜಾರಿಗೆ ಮುಂದಾಗಿದೆ.