AI News: ಇನ್ನು ಮುಂದೆ ಉದ್ಯಮಿಗಳಿಗೆ ಆತಂಕ ಇಲ್ಲ- ಜಾಹೀರಾತು ನೀಡಲಿದೆ AI

ಯಾವುದೇ ಉದ್ಯಮಗಳ ಯಶಸ್ಸಿನ ಸೂತ್ರಗಳನ್ನು ನೋಡಿದರೆ, ಅದರಲ್ಲಿ ಜಾಹೀರಾತು ವಿಶೇಷ ಸ್ಥಾನದಲ್ಲಿರುವುದು ಗೊತ್ತೇ ಇದೆ. ಉತ್ಪನ್ನಗಳ ಮಾರಾಟಕ್ಕೆ ಒಂದರ್ಥದಲ್ಲಿ ಜಾಹೀರಾತು ಜೀವ ಇದ್ದಂತೆ! ಜಾಹೀರಾತು ದುಬಾರಿಯೂ ಹೌದು.. ಆದರೆ, ಇನ್ನು ಮುಂದೆ ಉದ್ಯಮಿಗಳಿಗೆ ಆ ಆತಂಕವೇ ಇಲ್ಲ.

ಕಾರಣ, ಎಐ ಆಧಾರಿತ ತಂತ್ರಜ್ಞಾನ ಈಗ ಜಾಹೀರಾತನ್ನೂ ತಾನೇ ಸಿದ್ಧಪಡಿಸುತ್ತಿದೆ. ಹೌದು, ನಟ- ನಟಿಯರ ಕಾಲ್‌ಶೀಟ್‌ ಪಡೆದು, ಡೈಲಾಗ್‌ ಬರೆದು, ಜಾಹೀರಾತು ಚಿತ್ರೀಕರಣ ಮಾಡುವ ಗೋಜಿಗೆ ಇನ್ನು ಸಂಸ್ಥೆಗಳು ಹೋಗಬೇಕಿಲ್ಲ. ಓಪನ್‌ ಎಐ ಅವರ ಡಿಎಎಲ್‌ಎಲ್‌-ಇ2 ತಂತ್ರಜ್ಞಾನಕ್ಕೆ ಉತ್ಪನ್ನದ ಬಗ್ಗೆ ಮಾಹಿತಿ ನೀಡಿದರೆ ಸಾಕು, ಅದೇ ಆಕರ್ಷಕ ಸಂಭಾಷಣೆಯನ್ನೂ ಬರೆದು, ನೀವು ಹೇಳಿದ ನಟ- ನಟಿಯರೇ ಖುದ್ದು ನಟಿಸಿದಂತೆ ಜಾಹೀರಾತನ್ನು ತಯಾರಿಸುತ್ತದೆ. ಕ್ಯಾಡºರಿ ಸಂಸ್ಥೆಯ ಅಂಥದ್ದೇ ಜಾಹೀರಾತು ಭಾರತದಲ್ಲೂ ಬಿಡುಗಡೆಯಾಗಿದೆ.