Name change; ಅಹ್ಮದ್‌ ನಗರ ಇನ್ನು ಅಹಲ್ಯಾನಗರ: ಮಹಾ ಸಂಪುಟದಿಂದ ಸಮ್ಮತಿ

ಮುಂಬಯಿ: ಮಹಾರಾಷ್ಟ್ರದ ಅಹ್ಮದ್‌ ನಗರದ ಹೆಸರನ್ನು ಅಹಲ್ಯಾ ನಗರ ಎಂದು ಮರು­ನಾಮಕರಣ ಮಾಡುವ ಪ್ರಸ್ತಾವ‌ಕ್ಕೆ ಸಿಎಂ ಏಕನಾಥ ಶಿಂಧೆ ನೇತೃತ್ವದ ಸಚಿವ ಸಂಪುಟ ಅನುಮೋದನೆ ನೀಡಿದೆ. ಈ ಮೂಲಕ ಅಹ್ಮದ್‌ ನಗರ ಮಹಾ­ರಾಷ್ಟ್ರ ದಲ್ಲಿ ಮರುನಾಮಕರಣಗೊಳ್ಳುತ್ತಿರುವ ಮೂರನೇ ಜಿಲ್ಲೆಯಾಗಲಿದೆ.

ಮರಾಠ ಸಾಮ್ರಾಜ್ಯದ ಮಹಾರಾಣಿಯಾಗಿದ್ದ ಅಹಲ್ಯಾ ಬಾಯಿ ಹೋಳ್ಕರ್‌ ಅವರ ಹೆಸರನ್ನು ಅಹ್ಮದ್‌ ನಗರಕ್ಕೆ ನಾಮಕರಣ ಮಾಡುವುದಾಗಿ ಕಳೆದ ವರ್ಷ ಶಿಂಧೆ ಘೋಷಿಸಿದ್ದರು. ಅದರಂತೆ ಸಚಿವ ಸಂಪುಟ ಸಭೆಯಲ್ಲಿ ಅಹ್ಮದ್‌ ನಗರವನ್ನು “ಪುಣ್ಯ­ಶ್ಲೋಕ ಅಹಲ್ಯಾ ದೇವಿ ನಗರ’ ಎಂದು ಮರುನಾಮಕರಣ ಮಾಡಲು ಸಮ್ಮತಿ ನೀಡಿರುವುದಾಗಿ ಎಕ್ಸ್‌ನಲ್ಲಿ ಮಾಹಿತಿ ಹಂಚಿಕೊಂಡಿದ್ದಾರೆ.