ಪರಮಾಣು ಸಾಮರ್ಥ್ಯದ ಅಗ್ನಿ-1(ಎ) ಕ್ಷಿಪಣಿ ಯಶಸ್ವಿ ಪರೀಕ್ಷೆ

ಬಾಲಸೋರ್‌ : ಭಾರತ ಇಂದು ಪರಮಾಣು ಸಾಮರ್ಥ್ಯದ ಅಗ್ನಿ-1(ಎ) ಬ್ಯಾಲಿಸ್ಟಿಕ್‌ ಮಿಸೈಲನ್ನು ಒಡಿಶಾ ತೀರದ ದೂರ ತೀರದಲ್ಲಿರುವ ಅಬ್ದುಲ್‌ ಕಲಾಂ ದ್ವೀಪದಿಂದ ಯಶಸ್ವಿಯಾಗಿ ಪರೀಕ್ಷಿಸಿತು. 

ಭಾರತೀಯ ಸೇನೆಯ ವ್ಯೂಹಾತ್ಮಕ ಫೋರ್ಸ್‌ ಕಮಾಂಡ್‌ ಈ ಪರೀಕ್ಷೆಯನ್ನು ನಡೆಸಿತು.

ಬಾಲಸೋರ್‌ನ ಅಬ್ದುಲ್‌ ಕಲಾಂ ದ್ವೀಪದ ಸಮ್ಮಿಲಿತ ಪರೀಕ್ಷಾ ವಲಯದ ಪ್ಯಾಡ್‌ 4 ನಿಂದ ಕೈಗೊಳ್ಳಲಾದ ಅಗ್ನಿ 1ಎ ಪರಮಾಣು ಕ್ಷಿಪಣಿಯು 700 ಕಿ.ಮೀ. ವ್ಯಾಪ್ತಿಯ 18ನೇ ಅವತರಣಿಕೆಯಾಗಿದ್ದು ಸಂಪೂರ್ಣವಾಗಿ ದೇಶೀಯವಾಗಿ ನಿರ್ಮಿತವಾಗಿದೆ. 

15 ಮೀಟರ್‌ ಉದ್ದದ ಈ ಕ್ಷಿಪಣಿಯು 12 ಟನ್‌ ಭಾರವಿದ್ದು 1,000 ಕಿಲೋ ಪೇಲೋಡ್‌ ಒಯ್ಯುವ ಸಾಮರ್ಥ್ಯ ಹೊಂದಿದೆ. ಇದನ್ನು 2004ರಲ್ಲಿ ಸೇವೆಗೆ ಸೇರಿಸಿಕೊಳ್ಳಲಾಗಿತ್ತು.