ಹುಬ್ಬಳ್ಳಿ: ಮಹದಾಯಿ, ಕಳಸಾ-ಬಂಡೂರಿ ಯೋಜನೆ ಜಾರಿಗಾಗಿ ಹೋರಾಟ ಮಾಡಿದ ರೈತರ ಮೇಲಿನ ಎಲ್ಲ ಕೇಸ್‌ಗಳನ್ನು ತಕ್ಷಣ ಹಿಂಪಡೆಯಲು ಕ್ರಮ ಕೈಗೊಳ್ಳಬೇಕೆಂದು ಒತ್ತಾಯಿಸಿ ಮಹದಾಯಿ ಹೋರಾಟಗಾರರು ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರಿಗೆ ಮನವಿ ಮಾಡಿದರು.
ಸಮಿತಿಯ ಸುಭಾಷಚಂದ್ರಗೌಡ ಪಾಟೀಲ, ಹೇಮನಗೌಡ ಬಸನಗೌಡ್ರ, ಕುಮಾರಸ್ವಾಮಿ ಹಿರೇಮಠ, ಬಸನಗೌಡ ಪಕ್ಕೀರಗೌಡ್ರ, ಶಿವಪ್ಪ ಸಂಗಳದ, ಮುರಗೆಪ್ಪ ಪಲೇಂದ, ಶಿವಾನಂದ ಹೂಗಾರ, ಪ್ರಭುಗೌಡ ಪಾಟೀಲ, ಮಾರುತಿ ಕಲಘಟಗಿ ಮೊದಲಾದವರಿದ್ದರು.
Advertisement
ಮಹದಾಯಿ ಜಾರಿಗೆ ಆಗ್ರಹಿಸಿ ಹೋರಾಟ ಮಾಡಿದ ರೈತರ ಮೇಲಿನ ಕೇಸ್‌ಗಳನ್ನು ಸರಕಾರ ಹಿಂಪಡೆದರೂ ಮತ್ತೆ 66 ಜನರಿಗೆ ಕೋರ್ಟ್‌ನಿಂದ ಸಮನ್ಸ್‌ ಜಾರಿಗೊಳಿಸಲಾಗಿದೆ. ಅಭಿಯೋಗ ಮತ್ತು ಸರಕಾರಿ ವ್ಯಾಜ್ಯಗಳ ನಿರ್ದೇಶಕರಿಗೆ ರೈತರ ಮೇಲಿನ ಕೇಸ್‌ ಹಿಂಪಡೆಯಲು ತಕ್ಷಣ ನಿರ್ದೇಶಿಸಬೇಕೆಂದು ಸಮಿತಿಯ ಸದಸ್ಯರು ಸಿದ್ದರಾಮಯ್ಯ ಅವರಿಗೆ ಮನವಿ ಮಾಡಿದರು. ಇದಕ್ಕೆ ಸ್ಪಂದಿಸಿದ ಸಿದ್ದರಾಮಯ್ಯ, ಚುನಾವಣೆ ನಂತರ ಆ ಕುರಿತು ಕ್ರಮ ಕೈಗೊಳ್ಳುವೆ ಎಂದರು.