ಮೂನ್ ಲೈಟಿಂಗ್: ಉದ್ಯೋಗಿಗಳ ವಜಾಗೊಳಿಸಿದ ಇನ್ಫೋಸಿಸ್‌ ಕಂಪನಿ

ನವದೆಹಲಿ: ವಿಪ್ರೋ ನಂತರ ಇದೀಗ ಇನ್ಫೋಸಿಸ್‌ ಮೂನ್‌ಲೈಟಿಂಗ್‌ ಕಾರಣಕ್ಕೆ ಉದ್ಯೋಗಿಗಳನ್ನು ವಜಾಗೊಳಿಸಿರುವುದಾಗಿ ಹೇಳಿದೆ.

ಯಾವುದೇ ಕಾರಣಕ್ಕೂ ಮೂನ್‌ಲೈಟಿಂಗ್‌ ಅನ್ನು ಬೆಂಬಲಿಸುವುದಿಲ್ಲ. ಎರಡು ಕಂಪನಿಗಳಲ್ಲಿ ಕೆಲಸ ಮಾಡುತ್ತಿದ್ದ ಕಾರಣಕ್ಕೆ ಕಳೆದ 12 ತಿಂಗಳಿನಿಂದ ಉದ್ಯೋಗಿಗಳನ್ನು ವಜಾಗೊಳಿಸಲಾಗಿದೆ ಎಂದು ಇನ್ಫೋಸಿಸ್‌ ತಿಳಿಸಿದೆ.

ಆದರೆ ವಜಾಗೊಂಡವರ ನಿಖರ ಸಂಖ್ಯೆಯನ್ನು ಕಂಪನಿ ಬಹಿರಂಗಪಡಿಸಿಲ್ಲ. ಕಳೆದ ತಿಂಗಳು ಮೂನ್‌ಲೈಟಿಂಗ್‌ ಕಾರಣಕ್ಕೆ ವಿಪ್ರೋ ಸುಮಾರು 300 ಉದ್ಯೋಗಿಗಳನ್ನು ಕೆಲಸದಿಂದ ತೆಗೆದು ಹಾಕಿತ್ತು.