ಗುಜರಾತ್‌, ಮಹಾರಾಷ್ಟ್ರ: ಪೆಟ್ರೋಲ್‌ 2, ಡೀಸಿಲ್‌ 1 ರೂ. ಇಳಿಕೆ

ಮುಂಬಯಿ : ಮಹಾರಾಷ್ಟ್ರ ಸಚಿವ ಸಂಪುಟ ಇಂದು ಮಂಗಳವಾರ ಪೆಟ್ರೋಲ್‌ ದರವನ್ನು ಲೀಟರ್‌ಗೆ  2 ರೂ. ಮತ್ತು ಡೀಸಿಲ್‌ ದರವನ್ನು ಲೀಟರ್‌ಗೆ 1 ರೂ. ಇಳಿಸಲು ನಿರ್ಧರಿಸಿದೆ. ಇಳಿಸಲ್ಪಟ್ಟ ಈ ಹೊಸ ದರಗಳು ಇಂದು ಮಧ್ಯರಾತ್ರಿಯಿಂದಲೇ ಜಾರಿಗೆ ಬರಲಿವೆ.

ಇಂದು ಬೆಳಗ್ಗೆ ಗುಜರಾತ್‌ ಸರಕಾರ ಪೆಟ್ರೋಲ್‌ ಮತ್ತು ಡೀಸಿಲ್‌ ಮೇಲಿನ ವ್ಯಾಟ್‌ ದರವನ್ನು ಶೇ.4 ಇಳಿಸಿತು. ಗುಜರಾತ್‌ ಮುಖ್ಯಮಂತ್ರಿ ವಿಜಯ್‌ ರೂಪಾಣಿ ಅವರು ತಮ್ಮ ಸರಕಾರದ ಈ ನಿರ್ಧಾರವನ್ನು ಪ್ರಕಟಿಸಿದ್ದರು. 

ದೀಪಾವಳಿ ಹಬ್ಬ ಸನ್ನಿಹಿತವಾಗುತ್ತಿವಂತೆಯೇ ಈ ಎರಡು ರಾಜ್ಯಗಳು ಪೆಟ್ರೋಲ್‌, ಡೀಸಿಲ್‌ ಬೆಲೆ ಇಳಿಸಿರುವುದು ಜನರಿಗೆ ಅಪ್ಯಾಯಮಾನವೆನಿಸಿದೆ.  ಈ ವರ್ಷಾಂತ್ಯ ಈ ಎರಡೂ ರಾಜ್ಯಗಳಲ್ಲಿ ವಿಧಾನಸಭಾ ಚುನಾವಣೆ ನಡೆಯಲಿದೆ. 

ಕೇಂದ್ರ ಸರಕಾರದ ಸೂಚನೆಯನ್ನು ಅನುಸರಿಸಿ ಗುಜರಾತ್‌ ಸರಕಾರ ಪೆಟ್ರೋಲ್‌ ಮತ್ತು ಡೀಸಿಲ್‌ ಮೇಲಿನ ವ್ಯಾಟ್‌ ಅನ್ನು ಶೇ.4ರಷ್ಟು ಇಂದು ಮಂಗಳವಾರ ಮಧ್ಯರಾತ್ರಿಯಿಂದಲೇ ಜಾರಿಗೆ ಬರುವಂತೆ ಇಳಿಸಿದೆ ಎಂದು ಮುಖ್ಯಮಂತ್ರಿ ರೂಪಾಣಇ ಪತ್ರಿಕಾ ಗೋಷ್ಠಿಯಲ್ಲಿ ತಿಳಿಸಿದರು.