ಮೈಸೂರು ಚಾಮರಾಜೇಂದ್ರ ಮೃಗಾಲಯಕ್ಕೆ ಆಫ್ರಿಕಾದ ಚೀತಾ: 30 ದಿನದ ಬಳಿಕ ವೀಕ್ಷಣೆಗೆ ಅವಕಾಶ

ಮೈಸೂರು: ಮೈಸೂರು ಚಾಮರಾಜೇಂದ್ರ ಮೃಗಾಲಯಕ್ಕೆ ಆಫ್ರಿಕಾದಿಂದ ಮೂರು ಚೀತಾಗಳು ಆಗಮಿಸಿವೆ.

ಅಂತಾರಾಷ್ಟ್ರೀಯ ಪ್ರಾಣಿ ವಿನಿಮಯದ ಅಡಿ ಮೈಸೂರು ಚಾಮರಾಜೇಂದ್ರ ಮೃಗಾಲಯಕ್ಕೆ ಮೂರು ಆಫ್ರಿಕಾದ ಚೀತಾಗಳನ್ನು ತರಲಾಗಿದೆ.

ಈ ಹಿಂದೆ ಮೃಗಾಲಯದಲ್ಲಿ ಇದ್ದ ಒಂದೇ ಒಂದು ಚೀತಾ ವಯೋಸಹಜವಾಗಿ ಕಳೆದ ವರ್ಷ ಮೃತಪಟ್ಟಿತ್ತು.ಅಂದಿನಿಂದ ಖಾಲಿಯಾಗಿ ಉಳಿದಿದ್ದ ಚೀತಾ ಮನೆಗೆ ಇಂದು ಮೂರು ಮರಿಗಳ ಆಗಮನವಾಗಿದೆ.

ಸದ್ಯ 30 ದಿನಗಳ ಕ್ವಾರಂಟೈನ್ (ನಿಗಾದಲ್ಲಿ) ಇಟ್ಟು ಬಳಿಕ ಸಾರ್ವಜನಿಕ ವೀಕ್ಷಣೆಗೆ ಅವಕಾಶ ಮಾಡಿಕೊಡಲಾಗುತ್ತದೆ.